ନବାଗତ ରାଜବୀର । ନୂଆ ଓଡ଼ିଆ ସିନେମା ‘ଅରୁନ୍ଧତୀ’ରେ ତାଙ୍କୁ ମିଳିଛି ଏକ ଚ୍ୟାଲେଞ୍ଜିଂ ଭୂମିକା। ଏଥିରେ ତାଙ୍କୁ କେବଳ ଆକ୍ସନ ନୁହେଁ, ରୋମାଣ୍ଟିକ ରୋଲ୍ରେ ମଧ୍ୟ ଦର୍ଶକ ଦେଖିବାକୁ ପାଇବେ। ଏହି ଫିଲ୍ମ ସମ୍ପର୍କରେ ଭୁବନେଶ୍ୱରସ୍ଥ ମଳିପଡାରେ ଜନ୍ମିତ ରାଜବୀର କହନ୍ତି, ”ସାଧାରଣତଃ ଜଣେ ପୁରୁଷର ସଫଳତା ପଛରେ ନାରୀର ହାତ ଥାଏ। ହେଲେ ଜଣେ ନାରୀର ସଫଳତା ପଛରେ ଜଣେ ପୁରୁଷର କିପରି ଭୂମିକା ରହୁଛି ତାହା ଏହି ସିନେମାରେ ଦେଖିବାକୁ ମିଳିବ। ପୁରୁଷଟିର ହୃଦୟ ସିନା କଠୋର, ହେଲେ ତା’ ଭିତରେ ଜଣେ ସରଳ ମଣିଷ ଲୁଚିରହିଛି। ଏହି ରୋଲ୍ ପାଇଁ ମୋତେ ବେଶ୍ ପରିଶ୍ରମ କରିବାକୁ ପଡିଛି। କାରଣ ଏହି ଫିଲ୍ମରେ ମୋ ରୋଲ୍ରେ ରୋମାନ୍ସ ବ୍ୟତୀତ ଅଧିକ ଆକ୍ସନ ରହିଛି। ତେଣୁ ପ୍ରତିଦିନ ୩-୪ ଘଣ୍ଟା ଜିମ୍ରେ କଟାଇବାକୁ ପଡୁଛି। ତା’ ସହ ଡାଏଟିଂ ପ୍ରତି ଧ୍ୟାନ ଦେଉଛି। ବର୍ତ୍ତମାନ ମୁଁ ଆମ ଇଣ୍ଡଷ୍ଟ୍ରିରେ ନୂଆ। ତେଣୁ ଏହି ଭୂମିକାଟିକୁ ମୁଁ ଏକ ଚ୍ୟାଲେଞ୍ଜ ଭାବରେ ନେଇଛି।“ ରମେଶ ରାଉତଙ୍କ ନିର୍ଦ୍ଦେଶନା ଏବଂ ଅଜିତାଭ ମଲ୍ଲିକ ଏବଂ ମୋନିକା ଦାସଙ୍କ ପ୍ରଯୋଜନାରେ ନିର୍ମିତ ହେବାକୁ ଯାଉଥିବା ଏହି ଫିଲ୍ମରେ ରାଜବୀରଙ୍କ ନାୟିକା ସାଜିଛନ୍ତି ଏଲିନା ସାମନ୍ତରାୟ।