ନୂଆଦିଲ୍ଲୀ,୨୫।୫:କେନ୍ଦ୍ରୀୟ ସ୍ବାସ୍ଥ୍ୟ ସଚିବ ରାଜେଶ ଭୂଷଣଙ୍କୁ ୭୫ତମ ଓ୍ବାଲର୍ଡ ହେଲ୍ଥ ଆସେମ୍ବ୍ଲି ମୁଖ୍ୟ କମିଟିର ଅଧ୍ୟକ୍ଷ ଭାବେ ବଛାଯାଇଛି। ବୈଶ୍ୱିକ ସ୍ବାସ୍ଥ୍ୟ ସଦସ୍ୟଙ୍କ ସହ ପ୍ରସାଶନିକ ଏବଂ ଅର୍ଥ ସମ୍ବନ୍ଧୀୟ ଆଲୋଚନା ଉକ୍ତ କମିଟିର ମୁଖ୍ୟ ଉଦ୍ଦେଶ୍ୟ। ଡବ୍ଲ୍ୟୁଏଚ୍ଓ ପକ୍ଷରୁ ବାର୍ଷିକ ଆସେମ୍ବ୍ଲି ସୁଇଜରଲାଣ୍ଡର ଜେନେଭାଠାରେ ମେ’୨୨ରୁ ଆରମ୍ଭ ହୋଇଥିବା ବେଳେ ଏହି କାର୍ଯ୍ୟକ୍ରମ ୨୮ ପର୍ଯ୍ୟନ୍ତ ଜାରି ରହିବ। ଏଥିରେ ବିଶ୍ୱର ୧୯୪ ଦେଶର ସଦସ୍ୟ ସାମିଲ ହୋଇଛନ୍ତି। ଉକ୍ତ ଆସେମ୍ବ୍ଲି କାର୍ଯ୍ୟକ୍ରମରେ ‘ଏ’ ଓ ‘ବି’ ଭାବେ ଦୁଇଟି କମିଟି ଗଠନ କରାଯାଇଥିବା ବେଳେ ରାଜେଶ ଭୂଷଣ କମିଟି ‘ବି’ର ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି। କମିଟି ‘ଏ’ରେ ଟେକ୍ନିକାଲ ଏବଂ ସ୍ବାସ୍ଥ୍ୟ ସମ୍ବନ୍ଧୀୟ ଆଲୋଚନା କରାଯିବ।
