ଭୁବନେଶ୍ୱର, ୧୨।୧(କ୍ରୀଡ଼ା ପ୍ରତିନିଧି)-କେନ୍ଦ୍ର ସରକାରଙ୍କ କ୍ରୀଡ଼ା ବିଭାଗ ଆନୁକୂଲ୍ୟରେ ହେବାକୁ ଯାଉଥିବା ଖେଲୋ ଇଣ୍ଡିଆ ପ୍ରତିଭା ଅନ୍ବେଷଣ କାର୍ଯ୍ୟକ୍ରମରେ ସାମିଲ ହୋଇଛନ୍ତି ଓଡ଼ିଶାର ରାଜେଶ ହାଁସଦା। ସମ୍ପ୍ରତି କିଟ୍ ଓ କିସ୍ରେ ଆର୍ଚେରୀ କୋଚ୍ଭାବେ କାର୍ଯ୍ୟରତ ରାଜେଶ ଇଷ୍ଟଜୋନ୍ (ଆର୍ଚେରୀ) ପାଇଁ ଗଠିତ ଜୋନାଲ କମିଟିରେ ସ୍ଥାନ ପାଇଛନ୍ତି। ଓଡ଼ିଶା, ପଶ୍ଚିମବଙ୍ଗ, ବିହାର, ଝାଡ଼ଖଣ୍ଡ ଓ ଉତ୍ତର ପ୍ରଦେଶକୁ ନେଇ ଗଠିତ ଜୋନ୍ର ଆର୍ଚେରୀ ପ୍ରତିଭାଙ୍କୁ ଅନ୍ବେଷଣ କରିବାର ଗୁରୁଦାୟିତ୍ୱ ରାଜେଶଙ୍କ ଉପରେ ନ୍ୟସ୍ତ କରାଯାଇଛି। ଏପରି ଏକ ଦାୟିତ୍ୱ ପାଇଥିବାରୁ ରାଜେଶଙ୍କୁ କିଟ୍ ଓ କିସ୍ର ପ୍ରତିଷ୍ଠାତା ତଥା ଏମ୍ପି ଅଚ୍ୟୁତ ସାମନ୍ତ ଅଭିନନ୍ଦନ ଜଣାଇଛନ୍ତି।