ମୁମ୍ବାଇ,୨୪।୪:ମୁମ୍ବାଇର ପୂର୍ବତନ ଦ୍ରୁତ ବୋଲର ତଥା ରଣଜୀ ଟ୍ରଫି ବିଜେତା ଦଳର ଅଂଶ ଥିବା ରାଜେଶ ବର୍ମାଙ୍କ ଦେହାନ୍ତ ହୋଇଛି। ସେ ୪୦ ବର୍ଷ ବୟସରେ ହୃଦଘାତରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ରାଜେଶ ତାଙ୍କ କ୍ୟାରିୟରରେ ୭ଟି ପ୍ରଥମ ଶ୍ରେଣୀ ମ୍ୟାଚ ଖେଳିଥିଲେ। କିନ୍ତୁ ସେ ୨୦୦୬-୦୭ରେ ରଣଜୀ ଟ୍ରଫି ଜିତିଥିବା ମୁମ୍ବାଇ ଦଳର ଏକ ଗୁରୁତ୍ୱପୂର୍ଣ୍ଣ ଅଂଶ ଥିଲେ।
ଡାହାଣହାତୀ ମଧ୍ୟମ ପେସର୍ ରାଜେଶ ୨୦୦୨-୦୩ରେ ତାଙ୍କର ପ୍ରଥମ ଶ୍ରେଣୀରେ ଡେବ୍ୟୁ କରିଥିଲେ। ସେ ୨୦୦୮ରେ ବ୍ରାବୋର୍ନ ଷ୍ଟାଡିୟମରେ ପଞ୍ଜାବ ବିପକ୍ଷରେ ତାଙ୍କର ଶେଷ ମ୍ୟାଚ ଖେଳିଥିଲେ। ସେ ସାତୋଟି ମ୍ୟାଚରେ ୨୩ଟି ଉଇକେଟ ନେଇଥିଲେ। ଏହା ବ୍ୟତୀତ ସେ ୧୧ ତାଲିକା ଏ’ ମ୍ୟାଚରେ ୨୦ଟି ଉଇକେଟ ନେଇଥିଲେ। ରାଜେଶଙ୍କ ଦେହାନ୍ତ ବିଷୟରେ ସୂଚନା ଦେଇ ମୁମ୍ବାଇ କ୍ରିକେଟ ଆସୋସିଏସନ (ଏମସିଏ) ଏହାର ଅଫିସିଆଲ ଟୁଇଟର୍ ହ୍ୟାଣ୍ଡେଲରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛି।
The Mumbai Cricket Association expresses profound grief on hearing about the sad demise of Mr. Rajesh Verma who passed away today on 24 April 2022.
On behalf of the Apex Council members of MCA, all the member clubs and also the entire cricketing fraternity, we condole his demise pic.twitter.com/V2eMt2uBzi
— Mumbai Cricket Association (MCA) (@MumbaiCricAssoc) April 24, 2022
