ଚେନ୍ନାଇ: ସାଉଥ ସୁପରଷ୍ଟାର ରଜନିକାନ୍ତଙ୍କ ବଡ ଝିଅ ଐଶ୍ୱର୍ଯ୍ୟା ରଜନିକାନ୍ତ ତେୟନମପେଟ ପୋଲିସ ଷ୍ଟେଶନରେ ଚୋରି ହୋଇଥିବା ଅଭିଯୋଗ କରିଛନ୍ତି । ସେ ତାଙ୍କ ଅଭିଯୋଗରେ ଦାବି କରିଛନ୍ତି କି ତାଙ୍କ ଚେନ୍ନାଇ ସ୍ଥିତ ଘରୁ ଲକରରେ ଥିବା ୬୦ ତୋଲା ଗହଣା ଚୋରି ହୋଇଯାଇଛି । ଏହାର ଆନୁମାନିକ ମୂଲ୍ୟ ପ୍ରାୟ ୩.୬୦ ଲକ୍ଷ ଟଙ୍କା ହେବ । ଅଭିଯୋଗରେ କୁହାଯାଇଛି କି ସେ ୨୦୧୯ରେ ତାଙ୍କ ଭଉଣୀ ସୌନ୍ଦର୍ଯ୍ୟାଙ୍କ ବିବାହରେ ସେସବୁ ଗହଣା ପିନ୍ଧିଥିଲେ ।
ଏଫଆଇଆର କପିର ସୂଚନା ଅନୁଯାୟୀ, ଐଶ୍ୱର୍ଯ୍ୟା ଏସବୁ ଜୁଏଲରୀ ଏକ ଲକରରେ ରଖିଥିଲେ ଆଉ ଏ ସମ୍ପର୍କରେ ତାଙ୍କର କେତେଜଣ କେୟାରଟେକର ଜାଣିଥିଲେ । ଚୋରି ହୋଇଥିବା ଗହଣା ମଧ୍ୟରେ କିଛି ସୁନା ଗହଣା, ଡାଇମଣ୍ଡ ସେଟ, ନବରତ୍ନ ହାର ଓ ଚୁଡି ରହିଛି । ତେୟନମପେଟ ପୋଲିସ ଏହି ମାମଲାକୁ ଆଇପିସି ଧାରା ୩୮୧ ଆଧାରରେ ମାମଲା ରୁଜୁ କରି ଘଟଣାର ଯାଞ୍ଚ ଆରମ୍ଭ କରିଛି ।
