ନୂଆଦିଲ୍ଳୀ,୧୭।୧୧: ୱାଙ୍ଖେଡେ ଷ୍ଟାଡ଼ିୟମରେ ଖେଳାଯାଇଥିବା ୨୦୨୩ ବିଶ୍ୱପକ୍ର ପ୍ରଥମ ସେମିଫାଇନାଲ ମ୍ୟାଚ୍ରେ ନ୍ୟୁଜିଲାଣ୍ଡକୁ ପରାସ୍ତ ପ୍ରଥମ ଦଳ ଭାବେ ଭାରତ ଫାଇଲାନରେ ପହଞ୍ଚିଛି। ସେହିପରି କୋଲକାତାର ଇଡେନ୍ ଗାର୍ଡେନ୍ସରେ ଗୁରୁବାର ଖେଳାଯାଇଥିବା ବିଶ୍ୱକପ୍ର ଦ୍ୱିତୀୟ ସେମିଫାଇନାଲ ମ୍ୟାଚ୍ରେ ଅଷ୍ଟ୍ରେଲିଆ ୩ ଉଇକେଟ୍ରେ ବିଜୟ ହୋଇ ଫାଇନାଲ୍ରେ ଏଣ୍ଟ୍ରି କରିଛି। ଅନ୍ୟପକ୍ଷେ ଭାରତ ସହ ଅଷ୍ଟ୍ରେଲିଆ ଆସନ୍ତା ୧୯ ତାରିଖରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ବିଶ୍ୱକପ୍ ଫାଇନାଲ ମ୍ୟାଚ୍ ଖେଳିବ।
ଏହି ପରିପ୍ରେକ୍ଷୀରେ ପ୍ରଥମ ସେମିଫାଇନାଲ ମ୍ୟାଚରେ ଚଳଚ୍ଚିତ୍ର ତାରକା ସିଦ୍ଧାର୍ଥ ମଲହୋତ୍ରା, କିଆରା ଆଡଭାନୀ, ସାହିଦ କପୁର, ରଣବୀର କପୁରଙ୍କ ସମେତ ଅନେକ ସେଲିବ୍ରିଟି ଉପସ୍ଥିତ ରହି ଟିମ୍ ଇଣ୍ଡିଆକୁ ଉତ୍ସାହିତ କରିଥିଲେ। ଏପରିକି ବରିଷ୍ଠ ଅଭିନେତା ରଜନୀକାନ୍ତ ମଧ୍ୟ ମ୍ୟାଚ୍ ଦେଖି ଟିମ୍ ଇଣ୍ଡିଆକୁ ଉତ୍ସାହିତ କରିଥିଲେ। ବର୍ତ୍ତମାନ ଅଭିନେତା ରଜନୀକାନ୍ତ ଫାଇନାଲ ମ୍ୟାଚରେ ବିଶ୍ୱ ବିଜେତା କିଏ ହେବ ଏନେଇ ପୂର୍ବାନୁମାନ କରିଛନ୍ତି।
ରଜନୀକାନ୍ତ କହିଛନ୍ତି, ପ୍ରଥମ ସେମିଫାଇନାଲ ମ୍ୟାଚ୍ରେ ମୁଁ ଭୟଭୀତ ଅନୁଭବ କରୁଥିଲି। ନ୍ୟୁଜିଲାଣ୍ଡର ଉଇକେଟ୍ ପଡିବା ପରେ ସବୁ ଠିକ୍ ହୋଇଗଲା। ବର୍ତ୍ତମାନ ୧୦୦ ପ୍ରତିଶତ ଗ୍ୟାରେଣ୍ଟି ବିଶ୍ୱକପ୍ ଆମର ହେବ। ଅର୍ଥାତ ବିଶ୍ବକପ୍ ଫାଇନାଲରେ ଭାରତ ବିଜୟୀ ହେବ ବୋଲି ସେ ପୂର୍ବାନୁମାନ କରିଛନ୍ତି।