ଚେନ୍ନାଇ,୨୬।୮: ଚଳଚ୍ଚିତ୍ର ଅଭିନେତା ରଜନୀକାନ୍ତଙ୍କ ବିବୃତ୍ତି ଯୋଗୁ ତାମିଲନାଡୁରେ ରାଜନୈତିକ ହଲଚଲ ଦେଖାଦେଇଛି। ଡିଏମକେ ନେତାମାନେ ରଜନୀକାନ୍ତଙ୍କୁ ଟାର୍ଗେଟ୍ କରିଛନ୍ତି। ତାମିଲନାଡୁର ମନ୍ତ୍ରୀ ତଥା ଡିଏମକେ ନେତା ଦୁରାଇ ମୁରୁଗାନ କହିଛନ୍ତି, ଚଳଚ୍ଚିତ୍ରରେ ମଧ୍ୟ କିଛି ପୁରୁଣା ଅଭିନେତା ଅଛନ୍ତି, ଯେଉଁମାନେ ଯୁବ କଳାକାରଙ୍କୁ ଆଗକୁ ଆସିବାକୁ ଦେଉନାହାଁନ୍ତି।
ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଏମ କରୁଣାନିଧିଙ୍କ ଉପରେ ଏକ ପୁସ୍ତକ ରିଲିଜ ସମାରୋହରେ ଅଭିନେତା ରଜନୀକାନ୍ତ କହିଛନ୍ତି, ଏକ ବିଦ୍ୟାଳୟରେ ଜଣେ ଶିକ୍ଷକ (ଏମ.କେ ଷ୍ଟାଲିନ) ନୂତନ ଛାତ୍ରମାନଙ୍କୁ ପରିଚାଳନା କରିବାରେ କୌଣସି ଅସୁବିଧା ନାହିଁ। ପୁରାତନ ଛାତ୍ରମାନଙ୍କୁ ପରିଚାଳନା କରିବାରେ ସମସ୍ୟା ହେଉଛି। କାରଣ ପୁରାତନ ଛାତ୍ରମାନେ ସାଧାରଣ ନୁହଁନ୍ତି। ସେମାନେ ର଼୍ୟାଙ୍କ୍ ଧାରକ ଛାତ୍ର ମାନ୍ୟତା ପାଇଛନ୍ତି ଏବଂ ଶ୍ରେଣୀ (ଡିଏମ୍କେ) ଛାଡିବେ ନାହିଁ।
ରଜନୀକାନ୍ତ କହିଥିଲେ ଯେ, ଯଦି ଦୁରାଇ ମୁରୁଗାନଙ୍କୁ କିଛି ପଚାରବେ, ସେ କିଛି ଭଲ କହିବେ, କିନ୍ତୁ ସେ ଖୁସି କିମ୍ବା ନିରାଶାରୁ କଥା ହେଉଛନ୍ତି କି ନାହିଁ ଆମେ ଦ୍ୱନ୍ଦ୍ୱରେ ପଡ଼ିଯାଉ। ଏହି ସବୁ ପରିଚାଳନା ପାଇଁ ଷ୍ଟାଲିନ ସାର୍ଙ୍କୁ ନମସ୍କାର।
ରଜନୀକାନ୍ତଙ୍କ ଏହି ମନ୍ତବ୍ୟ ଉପରେ ତାମିଲନାଡୁ ମନ୍ତ୍ରୀ ତଥା ଡିଏମକେ ନେତା ଦୁରାଇ ମୁରୁଗାନ କହିଛନ୍ତି ଯେ, ଏହା ଫିଲ୍ମ ପରି ଠିକ। ଚଳଚ୍ଚିତ୍ରର କିଛି ପୁରୁଣା କଳାକାରଙ୍କ ଯୋଗୁ, ନୂତନ ଯୁବ କଳାକାରମାନେ ଆଗକୁ ଆସିବାକୁ ସକ୍ଷମ ନୁହଁନ୍ତି। ପୁରୁଣା ଅଭିନେତାମାନେ ଦାଢି ବଢିବା ସହିତ, ସମସ୍ତ ଦାନ୍ତ ପଡିଯିବା ଏବଂ ମରିବା ଅବସ୍ଥାରେ ମଧ୍ୟ ଅଭିନୟ କରୁଛନ୍ତି।