ରାଜକୁମାର ରାଓ ବଲିଉଡ୍ର ଏମିତି ଜଣେ ଅଭିନେତା ଯାହାଙ୍କ ନାମ ପସନ୍ଦର କଳାକାରଙ୍କ ତାଲିକାରେ ରହିଛି। ଖୁବ୍ କମ୍ ସମୟ ମଧ୍ୟରେ ସେ ସମସ୍ତଙ୍କର ପ୍ରିୟ ପାଲଟି ପାରିଛନ୍ତି। ନିକଟରେ ଅଭିନେତା ନିଜର ଏକ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଏଥିରେ ତାଙ୍କୁ କ୍ରିକେଟ ଖେଳୁଥିବାର ଦେଖିବାକୁ ମିଳୁଛି।
ପ୍ରକୃତରେ, ରାଜକୁମାର ଏବେ ତାଙ୍କର ଆଗାମି ଫିଲ୍ମ ‘ବଧାଇ ଦୋ’ର ଶୁଟିଂ ପାଇଁ ଦେହେରାଡୁନ୍ରେ ପହଞ୍ଚିଛନ୍ତି। ସେଠାରେ ଶୁଟିଂ ସେଟ୍ରୁ ସମୟ ବାହାରକରି ସେ କ୍ରିକେଟ ଖେଳୁଥିବାର ନଜର ଆସିଛନ୍ତି। ଶେୟାର କରିଥିବା ଫଟୋରେ ରାଜକୁମାର ହାତରେ ବ୍ୟାଟ୍ ଧରି ଛିଡାହୋଇଥିବାର ଦେଖିବାକୁ ମିଳୁଛି। ଫଟୋ ଶେୟାର କରି କ୍ରିକେଟ ଖେଳିବା ଏକ ଭିନ୍ନ ମଜା ବୋଲି ସେ କ୍ୟାପଶନରେ ଲେଖିଛନ୍ତି।