ମୁମ୍ବାଇ: ଏବେ ବଲିଉଡ୍ ସେଲିବ୍ରିଟିଙ୍କ ବିବାହକୁ ନେଇ ଯେତିକି ଚର୍ଚ୍ଚା ଚାଲିଛି ସେତିକି ଚର୍ଚ୍ଚା ବି ତାଙ୍କ ବିବାହ ପରର କିଛି ଘଟଣାକୁ ନେଇ କରାଯାଉଛି । ଦୀର୍ଘ ପ୍ରାୟ ୧୧ ବର୍ଷ ରିଲେଶନଶିପରେ ରହିବା ପରେ ନଭେମ୍ବର ୧୫ରେ ବିବାହ କରିଛନ୍ତି ବଲିଉଡ୍ ଅଭିନେତା ରାଜକୁମାର ରାଓ ଓ ଅଭିନେତ୍ରୀ ପତ୍ରଲେଖା । ଏବେ ଏହି ନ୍ୟୁଲି ୱେଡ କପୁଲଙ୍କ କିଛି ଭିଡିଓ ଓ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବିବାହ ପରେ ନିକଟରେ ଏହି କପୁଲ ପବ୍ଲିକ ଆପିୟରାନ୍ସକୁ ଆସିଥିଲେ । ଏହି ସମୟରେ ପତ୍ରଲେଖାଙ୍କ ସହ ତାଙ୍କ ମଙ୍ଗଳସୂତ୍ର ଆସିଛି ଚର୍ଚ୍ଚାକୁ । କାରଣ ତାଙ୍କ ମଙ୍ଗଳସୂତ୍ର ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । କେବଳ ସେତିକି ନୁହେଁ ଏହାର ଡିଜାଇନ ଓ ଦାମକୁ ନେଇ ବି ସୋସିଆଲ ମିଡିଆରେ ଚର୍ଚ୍ଚା ଚାଲିଛି । ନିକଟରେ ରାଜକୁମାର ହ୍ୱାଇଟ ଆଉଟ ଫିଟରେ ଥିବା ବେଳେ ପତ୍ରଲେଖା ଥିଲେ ରେଡ କଲର ଡ୍ରେସରେ ଯାହା ତାଙ୍କୁ ଖୁବ୍ ମାନୁଥିଲା । ପତ୍ରଲେଖା ଖୁବ୍ କମ୍ ଜୁଏଲାରୀ ପିନ୍ଧିଥିଲେ ବି ସମସ୍ତଙ୍କ ଆକର୍ଷଣର କେନ୍ଦ୍ର ବିନ୍ଦୁ ପାଲଟି ଯାଇଥିଲେ । କେବଳ ସେତିକି ନୁହେଁ ପତ୍ରଲେଖାଙ୍କ ମଙ୍ଗଳସୂତ୍ର ଏବେ ଟ୍ରେଣ୍ଡ ସେଣ୍ଟର ହୋଇଛି । ମିଡିଆ ରିପୋର୍ଟ ଅନୁଯାୟୀ, ସବ୍ୟସାଚି ମୁଖାର୍ଜୀ ୧୮ କ୍ୟାରେଟ ସୁନାରେ ଏହି ମଙ୍ଗଳସୂତ୍ରର ଡିଜାଇନ କରିଛନ୍ତି । ଯେଉଁଥିରେ ଟ୍ରାଡିଶନାଲ ଓନିକ୍ସ ସହ ମୋତି ଓ ସୁନା ଚେନ ବ୍ୟବହାର କରାଯାଇଛି । ରିପୋର୍ଟ ଅନୁଯାୟୀ ତାଙ୍କ ମଙ୍ଗଳସୂତ୍ରର ଦାମ୍ ରହିଛି ୧,୬୫,୦୦୦ଟଙ୍କା ।