ଅଭିନେତ୍ରୀ ରାଖୀ ସାୱନ୍ତ ତାଙ୍କ ସ୍ବାମୀ ରିତେଶଙ୍କଠାରୁ ଅଲଗା ହୋଇଛନ୍ତି। ସେମାନେ ସେମାନଙ୍କର ତିନି ବର୍ଷର ବିବାହକୁ ଭାଙ୍ଗି ଦେଇଛନ୍ତି। ଭାଲେଣ୍ଟାଇନ୍ସ ଡେ’ର ଗୋଟିଏ ଦିନ ପୂର୍ବରୁ ରବିବାର ଦିନ ରାଖୀ ରିତେଶଙ୍କଠାରୁ ଅଲଗା ହେବାର ଘୋଷଣା କରିଥିଲେ। ବିବାହ ଭାଙ୍ଗିବାପରେ ନିଜ ଦୁଃଖ ବଖାଣିଛନ୍ତି ରାଖୀ।
ଏକ ସାକ୍ଷାତକାରରେ ରାଖୀ କାନ୍ଦି କାନ୍ଦି କହିଛନ୍ତି, ସେ ମୋତେ ଛାଡି ଚାଲିଗଲେ। ମୁଁ ତାଙ୍କୁ ବହୁତ ଭଲ ପାଉଥିଲି । ବିଗ ବସ ପରେ କିଛି ସପ୍ତାହ ପୂର୍ବରୁ ଆମେ ମୁମ୍ବାଇରେ ଆମ ଘରେ ଏକାଠି ରହିବା ଆରମ୍ଭ କରିଥିଲୁ, କିନ୍ତୁ ଗତକାଲି ସେ ତାଙ୍କ ଜିନିଷ ପ୍ୟାକ କରି ମୋତେ ଛାଡି ଚାଲିଗଲେ। ସେ ତାଙ୍କର ପ୍ରଥମ ସ୍ତ୍ରୀଙ୍କୁ ଛାଡପତ୍ର ଦେଇ ନାହାଁନ୍ତି ଏବଂ ସେ ଆଉ ମୋ ସହ ରହିବାକୁ ଚାହାଁନ୍ତି ନାହିଁ ବୋଲି କହିଥିଲେ। ବିଗ ବସ ଘରୁ ବାହାରକୁ ଆସିବା ପରେ ଯେତେବେଳେ ମୁଁ ଜାଣିଲି ଯେ ତାଙ୍କର ସ୍ତ୍ରୀ ଏବଂ ସନ୍ତାନ ଅଛି, ମୁଁ ହୃଦୟ ଭାଙ୍ଗିପଡିଥିଲା। ମୁଁ ଜଣେ ମହିଳା ଏବଂ ଅନ୍ୟାୟ କରିପାରିବି ନାହିଁ। ସେ ମୋତେ ଛାଡି ଚାଲିଗଲେ ଏବଂ ସବୁକିଛି ସରିଗଲା।
ସେମାନଙ୍କ ସାକ୍ଷାତକୁ ମନେପକାଇ ରାଖୀ କହିଛନ୍ତି, ପ୍ରଥମେ ଆମେ ହ୍ବାଟ୍ସଆପ୍ ମାଧ୍ୟମରେ ଯୋଡି ହୋଇଥିଲୁ ଏବଂ ପ୍ରାୟ ୬ ମାସ ଚାଟ୍ କରିଥିଲୁ। ତା’ପରେ ସେ ତାଙ୍କ ଅବସ୍ଥାନ, ବ୍ୟାଙ୍କ ଆକାଉଣ୍ଟ ବିବରଣୀ ଏବଂ ଅନ୍ୟାନ୍ୟ ଜିନିଷ ମଧ୍ୟ ପଠାଇଲେ ଏବଂ ମୁଁ ତାଙ୍କୁ ବିଶ୍ୱାସ କଲ। ସେ ବିବାହ ପ୍ରସ୍ତାବ ଦେଇଥିଲେ। ଯେହେତୁ ମୁଁ ମଧ୍ୟ ମୋ ଜୀବନରେ କାହା ସହିତ ରହିବାକୁ ଚାହୁଁଥିଲି, ମୁଁ ତାଙ୍କୁ ତିନି ବର୍ଷ ପୂର୍ବେ ବିବାହ କରିଥିଲି। ମୁଁ ରିତେଶଙ୍କୁ ମୋ ସହିତ ବିଗ ବସ ଘରକୁ ଆସିବାକୁ କହିଥିଲି। ମୁଁ ତାଙ୍କୁ ବହୁତ ଭଲ ପାଏ ଏବଂ ମୁଁ ତାଙ୍କୁ ସବୁକିଛି ପାଇଁ କ୍ଷମା କରିବି। ଯଦି ସେ ଛାଡପତ୍ର ଦେଇ ମୋ ପାଖକୁ ଫେରିବାକୁ ଚାହାଁନ୍ତି, ତେବେ ମୁଁଗ୍ରେହଣ କରିବି।କିନ୍ତୁ ଯଦି ସେ ତାଙ୍କ ସ୍ତ୍ରୀ ଏବଂ ପିଲାମାନଙ୍କ ସହ ରହିବେ ତେବେ ଭଗବାନ ତାଙ୍କୁ ଆଶୀର୍ବାଦ କରନ୍ତୁ। କିନ୍ତୁ ବିବାହ ଏବଂ ପ୍ରେମ ଖେଳନା ନୁହେଁ।
‘ବିଗ ବସ ୧୫’ ମାଧ୍ୟମରେ ରାଖୀ ସମସ୍ତଙ୍କୁ ତାଙ୍କ ସ୍ବାମୀ ରିତେଶଙ୍କ ସହିତ ପରିଚିତ କରାଇଥିଲୋ। ଏଠାରେ ଉଭୟଙ୍କୁ ରୋମାନ୍ସ କରୁଥିବା ମଧ୍ୟ ଦେଖିବାକୁ ମିଳିଥିଲା।