ବମ୍ବେ: ମୁଁ ମା’ ହେବାକୁ ଯାଉଛି। ଖୁବ୍ଶୀଘ୍ର ସେ ଜଣେ ‘ବାହୁବଳୀ’ଙ୍କୁ ଜନ୍ମ ଦେବେ। ଏପରି କହି ଚର୍ଚ୍ଚାରେ ଡ୍ରାମା କୁଇନ୍ ରାଖୀ ସାଓ୍ବନ୍ତ। ସୋସିଆଲ ମିଡିଆରେ ତାଙ୍କ ବେବିବମ୍ପ ଥିବା ଭିଡିଓ ମଧ୍ୟ ଭାଇରାଲ ହେଉଛି। ପ୍ରଥମେ ପ୍ରଶଂସକ ରାଖୀଙ୍କ କଥା ସତ ବୋଲି ଅନୁମାନ କରୁଥିଲେ। ହେଲେ ପରେ ଯାହା ଜଣାପଡ଼ିଲା ଜାଣିଲେ ତାହା ଜାଣି ସମସ୍ତେ ଚକିତ ହୋଇଛନ୍ତି।
ଘଟଣାଟି ଏପରି। ପ୍ରତିଦିନ ଭଳି ରାଖୀ ଜିମ୍ କରିବାକୁ ଯାଇଥିଲେ। ବାହାରେ ତାଙ୍କୁ କିଛି କ୍ୟାମେରାମ୍ୟାନ୍ ଅପେକ୍ଷା କରି ରହିଥିଲେ। ଏହି ସମୟରେ ରାଖୀ ଜିମ୍ରୁ ବାହାରିଥିଲେ। ପାପାରାଜି ତାଙ୍କ ପାଖକୁ ଯିବା ପରେ ସେ ନିଜର ବେବି ବମ୍ପ ଦେଖାଇଥିଲେ। ଏପରିକି ସେ ମା’ ହେବାକୁ ଯାଉଥିବା କହିଥିଲେ। ହେଲେ ରାଖୀଙ୍କୁ ଦେଖି ସମସ୍ତେ ହସିଥିଲେ। କାରଣ ସେ ବେଲୁନ୍ ପେଟରେ ଭରିଥିଲେ। ତାଙ୍କ ବନ୍ଧୁ ବେଲୁନ ବାହାର କରିବା ପରେ ରାଖୀ ତାଙ୍କୁ ଫଟାଇ ଦେଇଥିଲେ। ସୋସିଆଲ ମିଡିଆରେ ରାଖୀଙ୍କ ପ୍ରାଙ୍କ୍ ଥିବା ଭିଡିଓ ଭାଇରାଲ ହେଉଛି। ପ୍ରଶଂସକମାନେ ମଜାଦାର କମେଣ୍ଟ କରି ରାଖୀଙ୍କ ପ୍ରଶଂସା କରୁଛନ୍ତି। ସେ କିଛି ବି କରି ମନୋରଞ୍ଜନ କରିବାର କଳା ରଖିଛନ୍ତି ବୋଲି ଅନେକ କହୁଛନ୍ତି।
