ଟିଭିର ଡ୍ରାମା କୁଇନ ଭାବେ ପରିଚିତ ରାଖୀ ସାୱନ୍ତ ତାଙ୍କ ବ୍ୟକ୍ତିଗତ ଜୀବନକୁ ନେଇ ଆଜିକାଲି ଚର୍ଚ୍ଚାରେ ଅଛନ୍ତି। ରିତେଶଙ୍କଠାରୁ ଅଲଗା ହେବା ପରେ ଏବେ ରାଖୀ ଆଦିଲ ଖାନ ଦୁରାନୀଙ୍କୁ ଡେଟ କରୁଛନ୍ତି। ନିକଟରେ ସେ ନିଜେ ଏକଥା ସ୍ବୀକାର କରିଛନ୍ତି। ରାଖୀଙ୍କ ପାଇଁ ଆଦିଲ କୁଆଡେ ଦୁବାଇରେ ଘର କିଣିଛନ୍ତି। ଏବେ ଦୁହେଁ ଦୁବାଇରେ ସମୟ ବିତାଉଛନ୍ତି।
ରାଖୀ କୁହନ୍ତି,ଆଦିଲ ତାଙ୍କୁ ତାଙ୍କ ପରିବାର ସହିତ ପରିଚିତ କରିଛନ୍ତି ଏବଂ ଦୁବାଇରେ ତାଙ୍କ ନାମରେ ଏକ ଘର କିଣିଛନ୍ତି। ଆଦିଲ ମୋତେ ବିଏମଡବ୍ଲୁ ଉପହାର ଦେଇଛନ୍ତି କିନ୍ତୁ ମୁଁ ତାଙ୍କ ପ୍ରେମ ଚାହୁଁଛି। ତା’ର ପ୍ରେମ ସତ୍ୟ ଏବଂ ସେ ବହୁତ ବିଶ୍ୱସ୍ତ। ଆଦିଲ ମୋତେ ବହୁତ ଭଲ ପାଆନ୍ତ। ସେଥିପାଇଁ ସେ ମୋତେ ତାଙ୍କ ପରିବାର ସଦସ୍ୟଙ୍କ ସହିତ ମଧ୍ୟ ପରିଚିତ କରାଇଛନ୍ତି।
ଆଦିଲ ରାଖୀଙ୍କଠାରୁ ଛଅ ବର୍ଷ ସାନ ଏବଂ ସେ ବେଙ୍ଗାଲୁରୁର ବାସିନ୍ଦା। ରାଖୀ ଦୁବାଇରୁ ଇନଷ୍ଟାଗ୍ରାମରେ ଦୁଇଟି ଭିଡିଓ ପୋଷ୍ଟ କରିଥିଲେ। ଭିଡିଓରେ ସେ ଆଦିଲଙ୍କ ସହ କାରରେ ବସିଥିଲେ। ଦୁହେଁ ଏକାଠି ଖୁସି ଦେଖାଯାଉଥିଲେ ଏବଂ ରାଖୀ ପ୍ରଶଂସକମାନଙ୍କୁ ଦୁବାଇର ଦୃଶ୍ୟ ଦେଖାଉଥିଲେ।
ଲୁଚିଛପି ଆଦିଲଙ୍କ ସହ ରାଖୀଙ୍କର ନିର୍ବନ୍ଧ ଶେଷ ହୋଇଥିବା ଚର୍ଚ୍ଚା ହେଉଛି।
ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି। ଭିଡିଓରେ ରାଖୀ ଏକ ହୀରା ମୁଦି ପିନ୍ଧି କ୍ୟାମେରା ଆଗରେ ଦେଖାଉଥିବାର ନଜର ଆସିଛନ୍ତି। ମୁଁ କାହାକୁ କହିବାକୁ ଚାହୁଁ ନ ଥିଲି, କିନ୍ତୁ ଏବେ ମୁଁ କହିବାକୁ ଚାହୁଁଛି, ଏହା ପ୍ରଚାର ନୁହେଁ, ମୋର ପ୍ରେମ ବୋଲି କହିଛନ୍ତି ରାଖୀ।
ରାଖୀ ‘ବିଗ ବସ ୧୫’ରେ ସ୍ବାମୀ ରିତେଶଙ୍କୁ ସମସ୍ତଙ୍କ ଆଗରେ ପରିଚିତ କରାଇଥିଲେ। କିନ୍ତୁ ସେମାନଙ୍କର ସମ୍ପର୍କ ଅଧିକ ଦିନ ତିଷ୍ଠି ନ ଥିଲା। ‘ଶୋ’ରୁ ବାହାରିବା ପରେ ରାଖୀ ଏକ ପୋଷ୍ଟ ଶେୟାର କରି ସେ ଏବଂ ରିତେଶ ଆଉ ଏକାଠି ନ ଥିବା କହିଥିଲେ।
ରିତେଶଙ୍କଠାରୁ ଅଲଗା ହେବା ପରେ ରାଖୀ ଅବସାଦର ଶିକାର ହୋଇଥିଲେ। ଆଦିଲ ଖାନ ଦୁରାନୀ ତାଙ୍କୁ ଏଥିରୁ ବାହାରିବାରେ ସାହାଯ୍ୟ କରିଥିଲେ। ପରେ ଆଦିଲ ତାଙ୍କୁ ପ୍ରପୋଜ କରିଥିଲେ। ତେବେ ଆଦିଲଙ୍କ ପରିବାର ସେମାନଙ୍କ ସମ୍ପର୍କକୁ ବିରୋଧ କରୁଥିଲେ। ସେମାନେ ମୋ ପୋଷାକ ପିନ୍ଧିବା ଶୈଳୀକୁ ପସନ୍ଦ କରୁନାହାନ୍ତି। କିନ୍ତୁ ମୁଁ ସେମାନଙ୍କ ପାଇଁ ନିଜକୁ ପରିବର୍ତ୍ତନ କରିବାକୁ ପ୍ରସ୍ତୁତ ବୋଲି ଏକ ସାକ୍ଷାତକାରରେ ରାଖୀ କହିଥିଲେ।