ଚେନ୍ନାଇ,୧୪।୯: ଦକ୍ଷିଣ ଭାରତର ସୁପରଷ୍ଟାର ରାମଚରଣ ମର୍ସିଡିଜ ମେବ୍ୟାକ ଜିଏଲଏସ ୬୦୦ କିଣିଛନ୍ତି। ଏହି ସ୍ପୋଟର୍ସ କାରର ମୂଲ୍ୟ ୪ କୋଟି ଟଙ୍କାରୁ ଉର୍ଦ୍ଧ୍ୱ। ସେ ପ୍ରଥମ ଭାରତୀୟ ଭାବେ ଏହି ମଡେଲର କାର କିଣିଛନ୍ତି।
କୌତୁହଳର କଥା, ରାମଚରଣ କାର୍ କିଣିବାର ଗୋଟିଏ ସପ୍ତାହ ପୂର୍ବରୁ ତାଙ୍କ ‘ଆର୍ଆର୍ଆର୍’ ଫିଲ୍ମର କୋ ଷ୍ଟାର ଜୁନିୟର ଏନ୍ଟିଆର୍ ଲାମ୍ବୋରଘିନି ରସ ଗ୍ରାଫାଇଟ୍ କ୍ୟାପସୁଲ କିଣିଥିଲେ। ଲାମ୍ବୋରଘିନିର ଏହି ମଡେଲକୁ ପ୍ରଥମ ଭାରତୀୟ କିଣିଥିଲେ ଏନ୍ଟିଆର୍। ଦୁଇ ଷ୍ଟାର ନିକଟରେ ଆଗାମୀ ବିଗ୍ ବଜେଟ୍ ଫିଲ୍ମ ‘ଆର୍ଆର୍ଆର୍’ର ଶୁଟିଂ ଶେଷ କରିଛନ୍ତି। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ପ୍ରଖ୍ୟାତ ଫିଲ୍ମନିର୍ମାତା ଏସ୍ ଏସ୍ ରାଜମୋଲି।