ମୁମ୍ବାଇ: ବଲିଉଡର ମୋଷ୍ଟ ଆଓ୍ବେଟେଡ ମୁଭି ‘କିସି କା ଭାଇ କିସି କି ଜାନ’ର ଗୀତ ‘ୟେଂତମ୍ମା’ ରିଲିଜ ହେବା ପରେ ପରେ ଚର୍ଚ୍ଚାକୁ ଆସିଯାଇଛି। ଗୁରୁତ୍ୱପୂର୍ଣ୍ଣ କଥା ହେଲା ଏଥିରେ ସଲମାନ ଖାଁ ସାଉଥ ଇଣ୍ଡିଆନ ଲୁକରେ ସାଉଥର ସୁପରଷ୍ଟାର ରାମ ଚରଣ ଓ ଦଗ୍ଗୁବାତି ଭେଙ୍କଟେଶଙ୍କ ସହ ଡ୍ୟାନ୍ସ କରୁଥିବା ନଜର ଆସିଛନ୍ତି। କମ ସମୟ ମଧ୍ୟରେ ଏହି ଗୀତ ସୋସିଆଲ ମିଡିଆରେ ନିଆଁ ଲଗାଇ ଦେଇଛି। ଏବେ ପର୍ଯ୍ୟନ୍ତ ଏହାକୁ ୪୩ ମିଲିୟନ ଭ୍ୟୁଜ ମିଳି ସାରିଲାଣି। ରାମ ଚରଣ ଏବେ ଏହି ଗୀତକୁ ନେଇ କଥା ହୋଇଛନ୍ତି।
ରାମ ଚରଣ କିଛିଦିନ ହେବ ‘ଆରଆରଆର’ ମୁଭିର ‘ନାଟୁ ନାଟୁ’ ଗୀତକୁ ଓସ୍କାର ମିଳିବା ପରେ ଥିଲେ ଚର୍ଚ୍ଚାରେ। ଏହା ରାମଚରଣଙ୍କ ପାଇଁ ଗର୍ବର ବିଷୟ ଥିବା ବେଳେ ତାଙ୍କ ପ୍ରଶଂସକ ରାମ ଚରଣଙ୍କ ସକସେସକୁ ନେଇ ଖୁସି ଥିଲେ। ଏବେ ରାମ ଚରଣ ଏକ ଧମାକାଦାର ଗୀତ ସହ ସଲମାନ ଖାଁଙ୍କ ଫିଲ୍ମ ‘କିସି କା ଭାଇ କିସି କି ଜାନ’ରେ ତଡକା ଲଗାଉ ଥିବା ନଜର ଆସିଛି। ରାମ ଚରଣ ଏହି ଏକ୍ସପିରିୟନ୍ସକୁ ଏକ ଛୋଟ ପିଲାର ସ୍ବପ୍ନ ପୁରଣ ହେଲା ଭଳି କହିଛନ୍ତି।
‘ୟେତମ୍ମା’ର ବିଟିଏସ ଭିଡିଓରେ ରାମ ଚରଣ ସଲମାନ ଖାଁଙ୍କ ସହ ଡ୍ୟାନ୍ସ କରିବାପରେ ନିଜର ଫିଲିଙ୍ଗସ ଶେୟାର କରିଛନ୍ତି। ରାମ କୁହାନ୍ତି, ଏହି ଗୀତ ହେଉଛି ଏକ ବ୍ଲାଷ୍ଟ। ଏହା ସବୁଠାରୁ ଭଲ ଗୀତ ମଧ୍ୟରୁ ଗୋଟିଏ। ଆପଣ ଏବେ ଏହାକୁ ନେଇ ଖୁସି ମନାଇବାକୁ ଯାଉଛନ୍ତି। ଜଣେ ଛୋଟ ପିଲାର ସ୍ବପ୍ନ ସତ ହୋଇଯାଇଛି। ଏହି ଗୀତକୁ କରିବାକୁ ମଜା ଲାଗୁଥିଲା।
