ମୁମ୍ବାଇ: ବଲିଉଡ୍ ଅଭିନେତା ଅକ୍ଷୟ କୁମାରଙ୍କ ବହୁଚର୍ଚ୍ଚିତ ଫିଲ୍ମ ‘ରାମ ସେତୁ’ର ଟ୍ରେଲର ରିଲିଜ୍ ହୋଇଯାଇଛି। ଫିଲ୍ମରେ ଅକ୍ଷୟଙ୍କ ସହ ସ୍କ୍ରିନ୍ ଶେୟାର କରିଛନ୍ତି ଜ୍ୟାକ୍ଲିନ୍ ଫର୍ନାଣ୍ଡିଜ୍ ଓ ନୁଶରତ୍ ଭରୁଚା। ପ୍ରସିଦ୍ଧ ରାମ ସେତୁ ଉପରେ ଫିଲ୍ମର କାହାଣୀ ପର୍ଯ୍ୟବସିତ। ଫିଲ୍ମରେ ସରକାର ରାମ ସେତୁକୁ ଭାଙ୍ଗିବା ପାଇଁ ନିର୍ଦ୍ଦେଶ ଦେଇଥିବାବେଳେ ଏହାକୁ ଅକାମୀ କରିବା ପାଇଁ ଅକ୍ଷୟ କୁମାର ୩ ଦିନିଆ ଏକ ମିଶନ୍ ତିଆରି କରୁଛନ୍ତି। ଫିଲ୍ମରେ ସେ ଜଣେ ପତ୍ନତତ୍ତ୍ୱବିତ୍ ଭୂମିକାରେ ନଜରକୁ ଆସିବେ। ଫିଲ୍ମର ଟ୍ରେଲରକୁ ଅକ୍ଷୟ ନିଜ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି। କିଛିଦିନ ପୂର୍ବେ ସେ ରାମସେତୁ ଶେଟ୍ର କିଛି ଫଟୋ ସୋସିଆଲ ମିଡିଆରେ ଶେୟାର କରିଥିଲେ, ଯାହାକୁ ତାଙ୍କ ଫଲୋୟର୍ସ ବେଶ୍ ପସନ୍ଦ ମଧ୍ୟ କରିଥିବାର ଦେଖିବାକୁ ମିଳିଛି। ଫିଲ୍ମଟି ଅକ୍ଟୋବର ୨୫ରେ ମୁକ୍ତିଲାଭ କରିବ। ପ୍ରେକ୍ଷାଳୟରେ ଫିଲ୍ମ ‘ଥ୍ୟାଙ୍କ୍ ଗଡ୍’ ସହ ଏହାର କଡ଼ା ଟକ୍କର ହେବା ନେଇ ଇଣ୍ଡଷ୍ଟ୍ରିରେ ଚର୍ଚ୍ଚା ଆରମ୍ଭ ହୋଇଗଲାଣି।