ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ଉପରେ ଲାଗିବ କି ରୋକ୍! କୋର୍ଟରେ ପିଟିଶନ ଦାଖଲ କଲେ ୪ ଛାତ୍ର
08 ମୁମ୍ବାଇ,୨୧।୧:ପ୍ରାଣ ପ୍ରତିଷ୍ଠାକୁ ନେଇ ଏବେ ସାରାଦେଶ ରାମମୟ। ଏଥିପାଇଁ ଦେଶରେ ୯ଟି ରାଜ୍ୟରେ ଛୁଟି ଘୋଷଣା କରିଛନ୍ତି ସରକାର। ମହାରାଷ୍ଟ୍ର ସରକାର ମଧ୍ୟ ଜାନୁଆରୀ ୨୨ରେ ରାମ ମନ୍ଦିର ପ୍ରାଣ ପ୍ରତିଷ୍ଠା ପାଇଁ ଛୁଟି ଘୋଷଣା କରିଛନ୍ତି । ଯାହାକୁ ନେଇ ବିବାଦ ଦେଖାଦେଇଛି । ଚାରିଜଣ ଛାତ୍ର ଏହା ବିରୋଧରେ ବମ୍ବେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ଜଷ୍ଟିସ ଜିଏସ କୁଲକର୍ଣ୍ଣି ଏବଂ ନୀଲା ଗୋଖଲେଙ୍କ ବେଞ୍ଚ ରବିବାର ଛାତ୍ରୀଛାତ୍ରଙ୍କ ଆବେଦନ ଉପରେ ଶୁଣାଣି କରିବେ।
ସୂଚନାଯୋଗ୍ୟ, ମହାରାଷ୍ଟ୍ର ସରକାରଙ୍କ ଛୁଟି ଘୋଷଣାକୁ ନେଇ ଚାରିଜଣ ଛାତ୍ର ବମ୍ବେ ହାଇକୋର୍ଟରେ ପିଏଲ ଦାଖଲ କରିଛନ୍ତି। ଆବେଦନକାରୀ MNLU, ମୁମ୍ବାଇ, GLC ଏବଂ ସାଧାରଣ ବିଦ୍ୟାଳୟର ଛାତ୍ର ଅଟନ୍ତି । ଏନେଇ ଆବେଦନକାରୀମାନେ କହିଛନ୍ତି ଯେ, କୌଣସି ଧାର୍ମିକ କାର୍ଯ୍ୟକ୍ରମ ପାଳନ କରିବା ପାଇଁ ସର୍ବସାଧାରଣ ଛୁଟି ଘୋଷଣା ସମ୍ବିଧାନରେ ଧର୍ମନିରପେକ୍ଷତାର ନୀତିର ଉଲ୍ଲଂଘନ ଅଟେ। କୌଣସି ରାଜ୍ୟ କୌଣସି ଧର୍ମ ସହ ଜଡିତ ହୋଇପାରିବ ନାହିଁ ବୋଲି ସେମାନେ ତର୍କ ରଖିଛନ୍ତି।
ପିଟିଶନରେ ସେମାନେ କହିଛନ୍ତି, ହିନ୍ଦୁ ମନ୍ଦିରର ଉଦଘାଟନ ଉତ୍ସବ ପାଳନ କରିବା, ଏଥିରେ ଖୋଲାଖୋଲି ଭାବେ ଅଂଶଗ୍ରହଣ କରିବା ଏବଂ ଏକ ନିର୍ଦ୍ଦିିଷ୍ଟ ଧର୍ମ ସହ ଜଡିତହେବା ଧର୍ମନିରପେକ୍ଷତା ନୀତି ଉପରେ ପ୍ରତ୍ୟକ୍ଷ ଆକ୍ରମଣ। ସାଧାରଣ ଛୁଟି ଘୋଷଣା ସମ୍ବନ୍ଧୀୟ କୌଣସି ନୀତି ଶାସକ ଦଳର ଇଚ୍ଛା ଏବଂ ଇଚ୍ଛା ଉପରେ ଆଧାରିତ ହୋଇପାରିବ ନାହିଁ।