ମହାକାଳପଡ଼ା,୫ା୯(ପ୍ରତାପ ଚନ୍ଦ୍ର ସ୍ବାଇଁ ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକର ପ୍ରସିଦ୍ଧ ଶକ୍ତି ପୀଠ ମା’ରାମଚଣ୍ଡୀ ମନ୍ଦିର ଦାନବାକ୍ସରେ ଶ୍ରଦ୍ଧାଳୁମାନେ ଟଙ୍କା, ପଇସା , ସୁନା ରୁପା ଆଦି ଦାନ କରିଥାନ୍ତି। ସେହି ଦାନଅର୍ଥକୁ ଯାନିଯାତ୍ରା ଓ ମା’ଙ୍କ ସେବାରେ ଖର୍ଚ୍ଚ କରାଯାଇଥାଏ। ହେଲେ ଟ୍ରଷ୍ଟି ମନଇଛା ମା’ଙ୍କ ଦାନ ଓ ଆୟ ଅର୍ଥ ଘରେ ରଖି ଖର୍ଚ୍ଚ କରୁଥିବା ଶ୍ରଦ୍ଧାଳୁମାନେ ଅଭିଯୋଗ କରିଛନ୍ତି। ୨ଦିନ ତଳେ ମା’ଙ୍କ ହୁଣ୍ଡି ଅର୍ଥକୁ ଟ୍ରଷ୍ଟି ନେଇଥିଲେ ା ହୁଣ୍ଡିକୁ ଖୋଲିବା ସମୟରେ ପରିଚାଳନା କମିଟି ସଦସ୍ୟ, ମନ୍ଦିର ସେବାୟତ , ସ୍ଥାନୀୟ ପୋଲିସଙ୍କ ଉପସ୍ଥିତରେ ଦାନ ଅର୍ଥ ଗଣିବା ନିୟମ ରହିଛି। ହେଲେ ଟ୍ରଷ୍ଟି ମଥୁରୀ ଚରଣ ସେନାପତି କାହାକୁ କିଛି ନ ଜଣାଇ ଦାନବାକ୍ସର ସମସ୍ତ ଅର୍ଥ ଘରକୁ ନେଇ ଥିବା ନେଇଥିଲେ ା ଏ ସଂକ୍ରାନ୍ତରେ ତାଙ୍କୁ ପ୍ରଶ୍ନ କରିବାରୁ ସେ କୌଣସି ସନ୍ତୋଷ ଜନକ ଉତ୍ତର ଦେଉ ନ ଥିବା ଅଭିଯୋଗ ହୋଇଛି ା ଦାନ ଅର୍ଥ ଓ ଝାମୁ ଯାତ୍ରାରେ ରାଜସ୍ବ ଆୟର ହିସାବ ପରିଚାଳନା କମିଟି ସଦସ୍ୟମାନଙ୍କୁ ଦିଆଯାଉନାହିଁ ା ସେ ମନଇଚ୍ଛା ଖର୍ଚ୍ଚ କରିବାକୁ ନେଇ ମା’ରାମଚଣ୍ଡୀ ଆଞ୍ଚଳିକ ସେନା ପକ୍ଷରୁ ଅସନ୍ତୋଷ ପ୍ରକାଶ କରାଯାଇଛି ା ଏ ସଂକ୍ରାନ୍ତରେ ତୁରନ୍ତ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେନା ପକ୍ଷରୁ ଆବାହକ ଲକ୍ଷ୍ମୀକାନ୍ତ ସ୍ବାଇଁ ସୋମବାର ରାଜ୍ୟ ଏଣ୍ଡାମେଣ୍ଟ କମିଶନରଙ୍କ ଉଦ୍ଦେଶ୍ୟରେ ତହସିଲଦାର ମାନସ ରଞ୍ଜନ ତ୍ରିପାଠୀଙ୍କୁ ଅଭିଯୋଗ ପତ୍ର ପ୍ରଦାନ କରିଛନ୍ତି।
ସୂଚନାଯୋଗ୍ୟ, ମା’ରାମଚଣ୍ଡୀ ଝାମୁ ଯାତ୍ରା ମେଳାରୁ ୧୦ଲକ୍ଷ ଟଙ୍କାରୁ ଅଧିକ ରାଜସ୍ବ ଆଦାୟ ହୋଇଥିଲା। ଟ୍ରଷ୍ଟି ସମସ୍ତ ଅର୍ଥ ମା’ଙ୍କ ଜମା ଖାତାରେ ରଖିବାର ବ୍ୟବସ୍ଥା ଥିଲେ ମଧ୍ୟ ସେଥିରେ ବ୍ୟତିକ୍ରମ ସୃଷ୍ଟି ହୋଇଥିଲା। ଏ ନେଇ ଧରିତ୍ରୀରେ ଏକ ରିପୋର୍ଟ ପ୍ରକାଶ ପାଇବା ପରେ ଟ୍ରଷ୍ଟି ତରବରିଆ ଭାବେ ୩ ଲକ୍ଷ ଟଙ୍କା ମା’ରାମଚଣ୍ଡୀଙ୍କ ବ୍ୟାଙ୍କ ଖାତାରେ ଜମା କରିଥିଲେ। ଅବଶିଷ୍ଟ ଅର୍ଥ ଟ୍ରଷ୍ଟିଙ୍କ ହେପାଜତରେ ଥିବା କୁହାଯାଇଛି। ଏ ନେଇ ମନ୍ଦିର ଟ୍ରଷ୍ଟି ସେନାପତି କହିଛନ୍ତି, କାହାକୁ ନ ଜଣାଇ ଦାନବାକ୍ସ ନେବା ମୋର ଭୁଲ ଥିଲା ବୋଲି ସେ ସ୍ବୀକାର କରିଛନ୍ତି ା ମହାକାଳପଡ଼ା ତହସିଲଦାର ମାନସ ରଞ୍ଜନ ତ୍ରିପାଠୀ କହିଛନ୍ତି, ମନ୍ଦିର ପରିଚାଳନାରେ ତ୍ରୁଟି ହୋଇଛି ା ଏ ନେଇ ଟ୍ରଷ୍ଟିଙ୍କ ସହିତ ଆଲୋଚନା କରାଯିବ ା