ଭୁବନେଶ୍ୱର, ୯।୨: ଦେଶର ପ୍ରମୁଖ ସିମେଣ୍ଟ କମ୍ପାନୀ ରାମ୍କୋ ସିମେଣ୍ଟସ୍ ଲିମିଟେଡ୍ ପକ୍ଷରୁ ଓଡ଼ିଶା ବଜାରରେ ଏକ ଆକର୍ଷଣୀୟ ଯୋଜନା ‘ରାମ୍କୋ ସୌଭାଗ୍ୟ’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି କମ୍ପାନୀ ଏହି ସ୍କିମ ଚଳିତ ବର୍ଷ ପ୍ରାରମ୍ଭରୁ ଆରମ୍ଭ ହୋଇଯାଇଛି। ଉକ୍ତ ଯୋଜନା ଅଧୀନରେ ଗ୍ରାହକମାନେ ୩୦ବ୍ୟାଗ୍ ରାମ୍କୋ ସିମେଣ୍ଟ ଭିଜ, ରାମ୍କୋ ସୁପରଫାଇନ୍ ଇଏଫ୍ସି କିମ୍ବା ରାମ୍କୋ ସୁପର ଷ୍ଟିଲ୍ ଅଥବା ଏକତ୍ର ରାମ୍କୋ ସୁପରଫାଇନ୍ ଇଏଫ୍ସି ଏବଂ ରାମ୍କୋ ସୁପର ଷ୍ଟିଲ୍ କ୍ରୟ ଉପରେ ଏକ ନିଶ୍ଚିତ ଉପହାର ଦିଆଯାଉଛି। ଏ ସମ୍ପର୍କରେ ରାମ୍କୋ ସିମେଣ୍ଟ ଓଡ଼ିଶାର ବିକ୍ରୟ ମୁଖ୍ୟ ପ୍ରତୀକ ରାୟ କହିଛନ୍ତି, ଉକ୍ତ ସ୍କିମ ଲାଗୁ ପରଠାରୁ ଗ୍ରାହକମାନଙ୍କର ବହୁ ଆଗ୍ରହ ଦେଖିବାକୁ ମିଳୁଛି। ଏହି ସ୍କିମ ଚଳିତ ବର୍ଷ ଫେବୃୟାରୀ ୨୮ରେ ଶେଷ ହେବ ବୋଲି ସେ ମତବ୍ୟକ୍ତ କରିଥିଲେ। ଉଲ୍ଲେଖଯୋଗ୍ୟ, ମୟୂରଭଞ୍ଜ ଜିଲା ବାରିପଦାର ଗ୍ରାହକ ଭୀମ ଚରଣ ମହାନ୍ତ ନିକଟରେ ଏକ ହୋଣ୍ଡା ଆକ୍ଟିଭା ୬ଜି ଜିତିଛନ୍ତି। ସେ ବାରିପଦାସ୍ଥିତ ରାମ୍କୋ ସିମେଣ୍ଟସର ପ୍ରାଧିକୃତ ଡିଲର ଏମ୍ଏସ୍ ମା ତାରିଣୀ ଟ୍ରେଡର୍ସରୁ ରାମ୍କୋ ସୁପର ଷ୍ଟିଲ୍ ସିମେଣ୍ଟ କିଣିଥିଲେ। ଏହି ପରିପ୍ରେକ୍ଷୀରେ ରାମ୍କୋ ସିମେଣ୍ଟର ଓଡ଼ିଶା ଡେପୁଟି ଜେନେରାଲ ମ୍ୟାନେଜର (ମାର୍କେଟିଂ) ରଞ୍ଜନ ସାହୁ ଏବଂ ରାମ୍କୋ ସିମେଣ୍ଟର ବାରିପଦା ସି ଆଣ୍ଡ ଏଫ୍ ହୃଷୀକେଶ ମହାପାତ୍ର ମିଳିତ ଭାବେ ବିଜେତା ଭୀମ ଚରଣଙ୍କୁ ହୋଣ୍ଡା ଆକ୍ଟିଭାର ଚାବି ପ୍ରଦାନ କରିଥିଲେ।