ନୂଆଦିଲ୍ଲୀ,୨।୬:୨୦୨୪ ଲୋକ ସଭା ନିର୍ବାଚନ ସହ ଜଡିତ ଏକଜିଟ ପୋଲର ଫଳାଫଳ ଆସିବା ପରେ ଯୋଗଗୁରୁ ବାବା ରାମଦେବଙ୍କ ବଡ ବିବୃତ୍ତି ଆସିଛି। ରାମଦେବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ହିମାଳୟ ପର୍ବତ ସହ ତୁଳନା କରିଛନ୍ତି।
ପତଞ୍ଜଳି ଆୟୁର୍ବେଦର ପ୍ରତିଷ୍ଠାତା ଭାବରେ ବିବେଚିତ ବାବା ରାମଦେବ କହିଛନ୍ତି, ନରେନ୍ଦ୍ର ମୋଦିଙ୍କ ବ୍ୟକ୍ତିତ୍ୱ ହିମାଳୟ ପରି। ରାମଦେବଙ୍କ ଅନୁଯାୟୀ, ମୋଦିଙ୍କ ସାମ୍ନାରେ କେହି ଠିଆ ହୋଇ ପାରିବେ ନାହିଁ। ତାଙ୍କର ବ୍ୟକ୍ତିତ୍ୱ ହିମାଳୟ ପରି। ତାଙ୍କ ନେତୃତ୍ୱ, ନୀତି, ଚରିତ୍ର ଏବଂ ବ୍ୟକ୍ତିତ୍ୱ ବହୁତ ମହତ୍ୱ ଏବଂ ଏହା ପଛରେ ବର୍ଷ ବର୍ଷ ଧରି ସାଧନା ଅଛି। ଦେଶର ଲୋକମାନେ ମୋଦିଙ୍କୁ ବିଶ୍ୱାସ କରନ୍ତି। ଏକଜିଟ ପୋଲରେ ମଧ୍ୟ ସମାନ ଦୃଶ୍ୟମାନ ହେଉଛି। ଫଳାଫଳ ମଧ୍ୟ ସମାନ ହେବ।
ଲୋକସଭା ନିର୍ବାଚନ ସହ ଜଡିତ ଅଧିକାଂଶ ଏକଜିଟ ପୋଲ ପୂର୍ବାନୁମାନ କରିଛି ଯେ, ଏଥର ମଧ୍ୟ ଏନଡିଏ ସରକାର ଗଠନ ହେବ। ନିର୍ବାଚନ ଫଳାଫଳ ଜୁନ ୪ରେ ପ୍ରକାଶ ପାଇବ।