ଲକ୍ଷ୍ନୌ,୮।୧୨: ସମାଜବାଦୀ ପାର୍ଟି ନେତା ମହମ୍ମଦ ଆଜମ ଖାନ୍ଙ୍କ ଗଡ଼ ଭାବେ ପରିଚିତ ଉତ୍ତରପ୍ରଦେଶର ରାମପୁର ବିଧାନସଭା ଆସନ ଭାଜପା ହାତକୁ ଯାଇଛି। ଏହି ଆସନରେ ହୋଇଥିବା ଉପନିର୍ବାଚନରେ ସମାଜବାଦୀ ପାର୍ଟି ପ୍ରାର୍ଥୀ ତଥା ଆଜମଙ୍କ ଘନିଷ୍ଠ ସମ୍ପର୍କୀୟ ଅସିମ୍ ରାଜାଙ୍କୁ ପରାସ୍ତ କରି ଭାଜପାର ଆକାଶ ସାକ୍ସେନା ବିଜୟୀ ହୋଇଛନ୍ତି। ସାକ୍ସେନାଙ୍କୁ ପାଖାପାଖି ୬୨ ପ୍ରତିଶତ ଭୋଟ ମିଳିଥିବା ବେଳେ ଅସିମ୍ ରାଜା ୩୬.୧୬ ପ୍ରତିଶତ ଭୋଟ ପାଇଛନ୍ତି। ଏହି ଆସନ ୨୦୦୨ରୁ ଆଜମ ଖାନ୍ଙ୍କ ହାତରେ ରହିଥିଲା।