ରଣବୀର କପୁରଙ୍କ ଫିଲ୍ମ ‘ଆନିମଲ୍’ ଘୋଷଣା ହେବା ଦିନରୁ ଚର୍ଚ୍ଚାରେ ରହିଛି। ରଣବୀର ନିଜ ଜନ୍ମଦିନରେ ପ୍ରଶଂସକଙ୍କୁ ଏକ ବଡ଼ ଉପହାର ଦେଇଛନ୍ତି। ଏହି ବିଶେଷ ଦିନରେ ତାଙ୍କ ଅଭିନୀତ ଫିଲ୍ମ ‘ଆନିମଲ୍’ ଟିଜର ରିଲିଜ ହୋଇଛି। ଏହି ଫିଲ୍ମଟି ଆକ୍ସନ ଏବଂ ଥ୍ରୀଲର ଭରପୂର ଥିବା ଟିଜରରୁ ସ୍ପଷ୍ଟ ହୋଇଛି।
ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗାଙ୍କ ଏହି ଫିଲ୍ମରେ ରଣବୀରଙ୍କ ବ୍ୟବତ ରଶ୍ମିକା ମନ୍ଦନା, ଅନିଲ କପୁର ଏବଂ ବବି ଦେଓଲ ପ୍ରମୁଖ ଅଭିନୟ କରିଛନ୍ତି। ଡିସେମ୍ବର ୧ରେ ଏହି ଫିଲ୍ମଟି ପ୍ରେକ୍ଷାଳୟକୁ ଆସିବାକୁ ଯାଉଛି। ଏହି ଚଳଚ୍ଚିତ୍ରଟି ପ୍ରଥମେ ଅଗଷ୍ଟରେ ରିଲିଜ ହେବାର ଥିଲା। କିନ୍ତୁ ଫିଲ୍ମର ପୋଷ୍ଟ ପ୍ରଡକ୍ସନ ଅସମ୍ପୂର୍ଣ୍ଣ ଥିବାରୁ ନିର୍ଦ୍ଦେଶକ ଫିଲ୍ମକୁ ଡିସେମ୍ବର ପର୍ଯ୍ୟନ୍ତ ସ୍ଥଗିତ ରଖିବାକୁ ନିଷ୍ପତ୍ତି ନେଇଥିଲେ। ଗତ ଜୁଲାଇରେ ଫିଲ୍ମ ‘ଆନିମଲ୍’ର ପ୍ରି-ଟିଜର ମୁକ୍ତିଲାଭ କରିଥିଲା