ବମ୍ବେ: ବଲିଉଡ୍ର ଲୋକପ୍ରିୟ ଅଭିନେତା ଋଷି କପୁର ଏବଂ ଅଭିନେତ୍ରୀ ନୀତୁ କପୁରଙ୍କ ଝିଅ ରିଦ୍ଧିମା କପୁର କରିବେ ଓଟିଟି ଡେବ୍ୟୁ। ଫିଲ୍ମଜଗତଠାରୁ ଦୂରରେ ରହୁଥିବା ରିଦ୍ଧିମା ଏବେ ‘ଫାବୁଲସ୍ ଲାଇଫ୍ସ ଅଫ୍ ବଲିଉଡ୍ ଓ୍ବାଇଫ୍ସ’ର ନୂଆ ସିଜନ୍ରେ ନଜର ଆସିବେ। କରନ୍ ଜୋହରଙ୍କ ଏହି ଶୋ’ରେ ତିନି ନୂଆ ମୁହଁ ଦେଖିବାକୁ ମିଳିବ। ରିଦ୍ଧିମା ସେଥିରେ ସାମିଲ ଅଛନ୍ତି। ଏହାଛଡ଼ା ନୀତୁ କପୁର ମଧ୍ୟ ଛୋଟ ଭୂମିକାରେ ନଜର ଆସିବେ ବୋଲି ଜଣାପଡ଼ିଛି। ପୂର୍ବରୁ ନୀତୁଙ୍କ ପୁଅ ତଥା ରିଦ୍ଧିମାଙ୍କ ଭାଇ ରଣବୀର କପୁର ବଲିଉଡ୍ରେ ଅଭିନୟର ସ୍ବତନ୍ତ୍ର ଛାପ ଛାଡ଼ିଛନ୍ତି। ଏମିତିରେ ରିଦ୍ଧିମା କି’ କିମିଆ କରୁଛନ୍ତି ତାହା ଦେଖିବାକୁ ବାକି ରହିଲା।
