ମୁମ୍ବାଇ: ଅଭିନେତ୍ରୀ ଦୀପିକା ପାଦୁକୋନଙ୍କୁ ସ୍ବାମୀ ରଣବୀର ପ୍ରଶଂସା କରିବା, ସମର୍ଥନ କରିବା ଆଦି ସୁଯୋଗକୁ ଆଦୌ ହାତଛଡ଼ା କରନ୍ତି ନାହିଁ। ରଣବୀର ସବୁାବେଳେ ନିଜ ଭଲପାଇବାକୁ ଖୋଲାଖୋଲି ଭାବେ ପ୍ରକାଶ କରିବାକୁ ପସନ୍ଦ କରିଥାନ୍ତି। ନିକଟରେ ଏକ ସାକ୍ଷାତକାରରେ ଦୀପିକାଙ୍କୁ ସେ ଖୁବ୍ ପ୍ରଶଂସା କରିଥିଲେ।
ଉପସ୍ଥାପକ ଯେତେବେଳେ ରଣବୀରଙ୍କୁ ଦୀପିକାଙ୍କ ବିଷୟରେ ପଚାରିଥିଲେ, ସେ ଦୀପିକାଙ୍କୁ ୭୫ ତମ କାନ୍ସ ଫିଲ୍ମ ଫେଷ୍ଟିଭାଲର ଜୁରିରେ ଅନ୍ତର୍ଭୁକ୍ତ କରାଯିବା ବିଷୟରେ କିପରି ଅନୁଭବ କରିଥିଲେ ସେ ସମ୍ପର୍କରେ କହିଥିଲେ। ରଣବୀର ଏହି ପ୍ରଶ୍ନ ଶୁଣି ଖୁସିରେ ନାଚି ଉଠିଥିଲେ। ଏହା ପରେ ରଣବୀର କହିଥିଲେ, ପ୍ରକୃତରେ ମୁଁ ବହୁତ ଖୁସି ଯେ, ପ୍ରଶ୍ନ ଶୁଣିବା ମାତ୍ରେ ମୁଁ ଖୁସିରେ ନାଚି ଉଠୁଛି। ସେ ଆହୁରି ମଧ୍ୟ କହିଛନ୍ତି, ମୁଁ ଭାବୁଛି ମୋ ନମ୍ବର କେବେ ଆସିବ? ଦୀପିକା ମୋତେ କେବେ ସେହି ସ୍ଥାନରେ ବସିବାକୁ ସୁଯୋଗ ଦେବେ।
କାନ୍ସ ଫିଲ୍ମ ଫେଷ୍ଟିଭାଲ ମେ ୧୭ରୁ ୨୮ପର୍ଯ୍ୟନ୍ତ ଚାଲିବ। ୨୦୧୭ରୁ ଦୀପିକା ରେଡ୍ କାର୍ପେଟରେ ନିୟମିତ ସେଲିବ୍ରିଟି ରହିଆସିଛନ୍ତି। ଏଥର ସେ ପୂରା ୧୦ ଦିନ ପାଇଁ ଏହି କାର୍ପେଟରେ ନଜର ଆସିବେ। ଚଳିତ ବର୍ଷର କାନ୍ସ ଫିଲ୍ମ ଫେଷ୍ଟିଭାଲରେ ଦୀପିକା ପ୍ରତିଯୋଗିତା ଜୁରିର ଏକ ଅଂଶ। ଜୁରି ପ୍ୟାନେଲରେ ଫ୍ରାନ୍ସର ଅଭିନେତା ଭିନ୍ସେଣ୍ଟ ଲିଣ୍ଡନ, ଅଭିନେତା-ନିର୍ମାତା ରେବେକା ହଲ, ନୋମି ରାପେସ ଏବଂ ଇଟାଲୀୟ ଅଭିନେତା-ନିର୍ଦ୍ଦେଶକ ଜସ୍ମିନ ଟ୍ରିନକା, ଲଜ ଲି, ଜେଫ ନିକୋଲସ ଏବଂ ଜୋଚିମ ଟ୍ରାୟର୍ ଯୋଗଦେବେ।