ବମ୍ବେ: ଦୀପାବଳି କାହାପାଇଁ କେମିତି। କିଏ ଦୀପ ଲଗାଇ ଏହାକୁ ପାଳନ କରିବାକୁ ଭଲପାଏ ତ ଦୁଇ ଚାରୋଟି ବାଣ ନ ଫୁଟାଇଲେ ଆଉ କାହାର ମନ ଭରେନା। ହେଲେ ସାବଧାନତାର ସହ ବାଣ ଫୁଟାଇବାକୁ ପଡ଼ିଥାଏ। ନଚେତ ଦୁର୍ଘଟଣା ଘଟିବାର ସମ୍ଭାବନା ଥାଏ। ସେଭଳି କିଛି ଘଟିଛି ଭୋଜପୁରୀ ଅଭିନେତ୍ରୀ ରାଣୀ ଚାଟାର୍ଜୀଙ୍କ କ୍ଷେତ୍ରରେ। ହେଲେ ସେ ଅଳ୍ପକେ ବର୍ତ୍ତି ଯାଇଛନ୍ତି।
ରାଣୀ ନିଜର ସୋସିଆଲ ମିଡିଆରେ ଏକ ଭିଡିଓ ଶେୟାର କରିଥିଲେ। ଏଥିରେ ସେ ନିଜ ଘର ଅଗଣାରେ ଅନାର୍ ବମ୍ ଜଳାଉଥିଲେ। ଫୁଲଝରୀ ବାଣ ସହାୟତାରେ ସେ ଏହାକୁ ଜଳାଉଥିଲେ। କିଛି ସମୟ ପରେ ତାହା ଜଳିବା ବଦଳରେ ଫାଟି ଯାଇ ବଡ ଶବ୍ଦ ହୋଇଥିଲା। ବିସ୍ଫୋରଣ ଭୟଙ୍କର ଥିଲେ ହେଁ ସେ ଏଥିରୁ ବର୍ତ୍ତି ଯାଇଥିଲେ। ଭିଡିଓ ଶେୟାର କରି ରାଣୀ ଅନ୍ୟମାନଙ୍କୁ ସୁରକ୍ଷିତ ରହିବାକୁ ଅନୁରୋଧ କରିଥିଲେ।
