ବଲିଉଡର ପ୍ରସିଦ୍ଧ ଅଭିନେତ୍ରୀ ରାଣୀ ମୁଖାର୍ଜୀ ୨୧ ମାର୍ଚ୍ଚରେ ଜନ୍ମ ହୋଇଥିଲେ। ଆଜି ତାଙ୍କର ୪୩ ତମ ଜନ୍ମଦିନ। ରାଣୀ ୧୬ ବର୍ଷ ବୟସରେ ‘ରାଜା କି ଆଏଗି ବାରତ’ ଫିଲ୍ମରେ ବଲିଉଡରେ ଡେବ୍ୟୁ କରିଥିଲେ। ଏହି ଫିଲ୍ମରେ ରାଣୀ ଖୁବ୍ ଦମ୍ଦାର ଅଭିନୟ କରିଥିଲେ। ଏହା ସହିତ ତାଙ୍କର ସୌନ୍ଦର୍ଯ୍ୟ ମଧ୍ୟ ଚର୍ଚ୍ଚାର ବିଷୟ ହୋଇଥିଲା। ପରେ ସେ ଅନେକ ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ।
ରାଣୀ୨୧ ମାର୍ଚ୍ଚ ୧୯୭୮ରେ କୋଲକାତାରେ ଜନ୍ମଗ୍ରହଣ କରିଥିଲେ। ରାଣୀଏକ ଫିଲ୍ମ ପରିବାରରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ଜଣେ ଜଣାଶୁଣା ନିର୍ଦ୍ଦେଶକ। ସାଧାରଣତଃ କୁହାଯାଏ ଯେ, ଚଳଚ୍ଚିତ୍ର ପୃଷ୍ଠଭୂମି ଥିବା ବ୍ୟକ୍ତିମାନେ କାର୍ଯ୍ୟକୁ ସହଜରେ କରିବାକୁ ସକ୍ଷମ ଅଟନ୍ତି । ରାଣୀଙ୍କ ସହ କିଛି ଓଲଟା ଘଟଣା ଘଟିଗଲା ।
କିନ୍ତୁ ବହୁତ କମ ଲୋକ ଜାଣିଥିବେ ଯେ ଚଳଚ୍ଚିତ୍ରରେ ଅଭିନୟ କରିବା ରାଣୀଙ୍କ ପ୍ରଥମ ପସନ୍ଦ ନୁହେଁ। ବାସ୍ତବରେ, ପ୍ରଥମ ସେ ଫ୍ୟାଶନ ଡିଜାଇନର୍ ହେବାକୁ ଚାହୁଁଥିଲେ ।