ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଏବେ ଫ୍ରାନ୍ସରେ ଚାଲିଥିବା କାନ୍ସ ଫିଲ୍ମ ଫେଷ୍ଟିଭାଲ୍ରେ ନିଜ ଜଲଓ୍ବା ପ୍ରଦର୍ଶନ କରି ପ୍ରଶଂସା ସାଉଁଟିଛନ୍ତି। ଚଳିତ ଥର ଦୀପିକା ପ୍ରଥମ ଥର ‘କାନ୍ସ’ରେ ଜୁରୀ ଟେବୁଲରେ ନଜର ଆସିଥିଲେ। ତେବେ ଏହି ସମୟ ମଧ୍ୟରେ ସେ ସୋସିଆଲ ମିଡିଆରେ ମଧ୍ୟ ସକ୍ରିୟ ରହିଛନ୍ତି। ସେ ସୋସିଆଲ ମିଡିଆରେ ନିଜର ଫଟୋ ଏବଂ ଭିଡିଓ ଶେୟାର କରୁଛନ୍ତି। ଏବେ ଦୀପିକା ତାଙ୍କର ନୂଆ ଭିଡିଓ ଶେୟାର କରିଛନ୍ତି। ଏହି ଭିଡିଓରେ ସେ ତାଙ୍କ ଟିମ୍ ସହିତ ବସିଛନ୍ତି ଏବଂ ରଣବୀର ସିଂ ମଧ୍ୟ ତାଙ୍କ ସହିତ ଅଛନ୍ତି। ଟିମ୍ ପକ୍ଷରୁ ଦୀପିକାଙ୍କୁ ଏକ ଚକୋଲେଟ ଉପହାର ଦିଆଯାଇଛି। କିଛି ସମୟ ପରେ ରଣବୀର ଆସି ଦୀପିକାଙ୍କ କୋଳରେ ବସିପଡନ୍ତି। ଏହାଦେଖି ଦୀପିକା କୁହନ୍ତି, ଏ ହେଉଛନ୍ତି ମୋର ଟ୍ରଫି।
ଦୀପିକା ଆଗାମୀ ଦିନରେ ହ୍ରିତିକ ରୋଶନଙ୍କ ସହ ଫିଲ୍ମ ‘ଫାଇଟର’ରେ ନଜର ଆସିବେ। ତାଙ୍କୁ ଏହି ଫିଲ୍ମରେ ପ୍ରଥମ ଥର ପାଇଁ ଆକ୍ସନ କରୁଥିବା ଦେଖିବାକୁ ମିଳିବ। ଏହା ପରେ ସେ ଶାହାରୁଖ ଖାନଙ୍କ ଫିଲ୍ମ ‘ପଠାନ’ରେ ମୁଖ୍ୟ ଭୂମିକାରେ ନଜର ଆସିବେ। ଦୀପିକାଙ୍କୁ ରଣବୀର ସିଂଙ୍କ ଫିଲ୍ମ ‘୮୩’ରେ ଶେଷ ଥର ପାଇଁ ଦେଖିବାକୁ ମିଳିଥିଲା।