ମୁମ୍ବାଇ: ବଲିଉଡରେ ଅନେକ ପ୍ରେମ କାହାଣୀ ରହିଛି । ଏଥିମଧ୍ୟରୁ କିଛି ପ୍ରେମ କାହାଣୀର ମିଠା ଅନୁଭୂତି ଥିବା ବେଳେ କିଛି ପ୍ରେମ କାହାଣୀ ଅଭୁଲା ହୋଇ ବି ରହିଯାଇଛି । କେତେଜଣ ପ୍ରେମିକ ପ୍ରେମିକା ବିବାହ କରି ସୁନ୍ଦର ସଂସାର ଗଢିଥିବା ବେଳେ ଆଉ କେତେଜଣ ଯୋଡିଙ୍କର ବ୍ରେକଅପ ବି ଚର୍ଚ୍ଚାକୁ ଆସିଛି । ଏମିତି ଏକ ଯୋଡି ଥିଲେ ଅନୁଷ୍କା ଶର୍ମା ଓ ରଣବୀର ସିଂ ।
‘ବ୍ୟାଣ୍ଡ ବାଜା ବାରାତ’ ମୁଭିରୁ ଉଭୟଙ୍କ ଲଭ ଷ୍ଟୋରୀ ଆରମ୍ଭ ହୋଇଥିଲା । ଉଭୟ ପରସ୍ପରକୁ ବେଶ ଭଲ ପାଉଥିଲେ । ଉଭୟ ନିଜ ଭଲପାଇବାକୁ ନେଇ ଖେଲାଖୋଲି ଭାବେ କଥା ହେଉଥିଲେ । ହେଲେ ଏହା ବେଶୀଦିନ ତିଷ୍ଠି ପାରି ନ ଥିଲା ।
କିଛି ଗଣମାଧ୍ୟମର ଖବର ଅନୁଯାୟୀ, ସୋନାକ୍ଷୀ ସିହ୍ନାଙ୍କ ସହ ରଣବୀର ଏକ ଆକ୍ଟ ପରଫର୍ମ କରିଥିଲେ । ଏହାପରେ ଅନୁଷ୍କା ରଣବୀରଙ୍କ ଉପରେ ରାଗି ଯାଇଥିଲେ । ଆଉ ଉଭୟଙ୍କ ପ୍ରେମରେ ଏହାପରଠାରୁ ଫାଟ ସୃଷ୍ଟି ହୋଇଥିଲା । ଏବେ କିନ୍ତୁ ଉଭୟ ନିଜ ନିଜ ଜୀବନରେ ବହୁ ଆଗକୁ ଯାଇ ସୁନ୍ଦର ସଂସାର ଗଢି ସାରିଲେଣି । ହେଲେ ଆଜିବି ଅନୁଷ୍କାଙ୍କ ସମ୍ପର୍କରେ କିଛି ଭୁଲ କଥା ଶୁଣିଲେ ବା ପଢିଲେ ରାଗି ଯାଅନ୍ତି ରଣବୀର । ରଣବୀର ଏକ ସାକ୍ଷାତକାରରେ କହିଥିଲେ ସେ ଅନୁଷ୍କାଙ୍କୁ ବହୁତ ମିସ୍ କରନ୍ତି । ପ୍ରକୃତରେ ଅନୁଷ୍କା ଜଣେ ଭଲ ଓ ବିଶ୍ୱସ୍ତ ମହିଳା । ହେଲେ ଲୋକେ ତାଙ୍କୁ ଭୁଲ ବୁଝନ୍ତି । ଯଦି ମୁଁ ଅନୁଷ୍କାଙ୍କ ସମ୍ପର୍କରେ କିଛି ଭୁଲ କଥା ଶୁଣେ ଅବା ପଢେ ତେବେ ଖୁବ୍ ରାଗିଯାଏ ବୋଲି କହିଥିଲେ ରଣବୀର । ଏମିତିକି ସେ ନିଜ ସମ୍ପର୍କରେ କିଛି ନେଗେଟିଭ ପଢିଲେ ବି ସେତିକି ରାଗନ୍ତି ନାହିଁ ବୋଲି କହିଛନ୍ତି ।