ମୋହାଲି, ୫।୯: ଜଣେ ଶ୍ରମିକ ଠିକାଦାର ନିର୍ମାଣଧିନ ସାଇଟ୍କୁ ଜଣେ ନାବାଳିକାକୁ ନେବାପରେ ସେଠାରେ ତାଙ୍କୁ ମାସ୍କ ପିନ୍ଧିବାକୁ ଦେଇଥିଲେ। ମାସ୍କ ପରିଧାନ କରିବା ପରେ ନାବାଳିକା ଜଣଙ୍କ ବେହୋସ ଯାଇଥିଲେ। ଏହାପରେ ଠିକାଦାର ନାବାଳିକାଙ୍କୁ ବଳାତ୍କାର କରିଥିଲେ। ଏହି କୁତ୍ସିତ ଘଟଣାଟି ପଞ୍ଜାବ ମୋହାଲିର ଜିରାକପୁର ପୋଲିସ ଥାନା ଅଞ୍ଚଳରେ ଘଟିଛି। ଉକ୍ତ ଘଟଣାରେ ପୋଲିସ ଅଭିଯୁକ୍ତ ଠିକାଦାରକୁ ଗିରଫ କରିବାରେ ସଫଳ ହୋଇଛି।
ବ୍ୟକ୍ତିର ନାମ ସନ୍ତ ରାଜ ଯାଦବ। ଯିଏକି ଶ୍ରମିକ ଠିକାଦାର ଭାବେ କାର୍ଯ୍ୟ କରୁଥିଲେ। ନିର୍ମାଣଧୀନ ସଂସ୍ଥା ପାଇଁ ଶ୍ରମିକ ଯୋଗାଇବା ଏବଂ ସେମାନଙ୍କୁ ସାଇଟ୍କୁ ନେବା ରାଜଙ୍କ କାମ ଥିଲା। ନାବାଳିକାଜଣଙ୍କ ପୋଲିସ ନିକଟରେ ଅଭିଯୋଗ କରିଛନ୍ତି ଯେ, ‘ଘଟଣାଦିନ ରାଜ ତାଙ୍କୁ ଶ୍ରମିକ ଭାବେ ନିର୍ମାଣ ସ୍ଥାନକୁ ନେଇଥିଲେ। ଏହାପରେ କରୋନା ନିର୍ଦ୍ଦେଶାବଳୀ ଅନୁଯାୟୀ ତାଙ୍କୁ ମାସ୍କ ପିନ୍ଧିବାକୁ ଦେଇଥିଲେ। ଯେତେବେଳେ ସେ ମାସ୍କ ପିନ୍ଧିଥିଲେ ତାଙ୍କୁ ନିଶା ହୋଇଯାଇଥିଲା। ଏହାର ସୁଯୋଗ ଦେଇ ରାଜ ତାଙ୍କୁ ବଳାତ୍କାର କରିଥିଲା।’ ପୀଡ଼ିତାଜଣଙ୍କ ଏହି ଘଟଣା ତାଙ୍କ ଘରେ କହିବା ପରେ ପରିବାର ଲୋକ ପୋଲିସ ନିକଟରେ ଅଭିଯୋଗ କରିଥିଲେ। ଆଇପିସି ଏବଂ ପୋକ୍ସ ଆକ୍ଟ ଧାରା ୩୭୬ ଅନୁଯାୟୀ ମାମଲା ରୁଜୁ ହେବାପରେ ପୋଲିସ ଠିକାଦାରକୁ ଗିରଫ କରିଛି।