କେନ୍ଦୁଝର,୧୧।୭(ସ୍ବ.ପ୍ର.): କେନ୍ଦୁଝର ଅତିରିକ୍ତ ଜିଲା ଓ ସ୍ବତନ୍ତ୍ର ଜଜ ଶୁଭଶ୍ରୀ ତ୍ରିପାଠୀ ଜଣେ ନାବାଳିକାଙ୍କ ବଳାତ୍କାର ମାମଲାର ଶୁଣାଣି କର ଅଭିଯୁକ୍ତଙ୍କୁ ୨୦ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି। ଏହା ସହ ୫୩ ହଜାର ଟଙ୍କା ଜରିମାନା କରିଛନ୍ତି। ଜରିମାନା ଅନାଦେୟ ଦେଢ ବର୍ଷ ଅଧିକ ଜେଲ ଦଣ୍ଡାଦେଶ ଶୁଣାଇଛନ୍ତି। ଏହି ମାମଲାରେ ପୂର୍ବରୁ ଦୁଇ ଜଣଙ୍କୁ ୨୦ ବର୍ଷ ଜେଲଦଣ୍ଡ ହୋଇଥିଲା ।
ସୂଚନାଯୋଗ୍ୟ, ୨୦୧୭ ଏପ୍ରିଲ ୧୯ରେ ନାବାଳିକା ପାଲା ଦେଖିବାକୁ ଯାଇଥିବା ବେଳେ ଅନ୍ୟ ଦୁଇଜଣଙ୍କ ସହିତ ମିଶି ଅଭିଯୁକ୍ତ ତାଙ୍କୁ ବଳାତ୍କାର କରିଥିଲୋ ପରେ ତାଙ୍କୁ କାହାରିକୁ ନ କହିବା ପାଇଁ ଧମକ ଦେଇଥିଲେ। ଏହି ଘଟଣା ଜାଣିବା ପରେ ପରିବାର ଲୋକ ଘଟଗାଁ ଥାନାରେ ଏକ ଏତଲା ଦେଇଥିଲେ। ପରେ ପୋଲିସ ୨୦ ତାରିଖ କେସ୍ ନମ୍ବର ୭୪/୨୦୧୭ରେ ମାମଲା ରୁଜୁ କରି ତଦନ୍ତ ଚଳାଇଥିଲା। ସେମାନଙ୍କ ମଧ୍ୟରୁ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବେଳେ ସେ ସମୟରେ ଏହି ୧୭ ବର୍ଷ ବୟସ ନାବାଳକଙ୍କୁ ଜୁଭେନାଇଲ କୋର୍ଟରେ ହାଜର କରାଯାଇଥିଲା।
୨୨ ଜଣ ସାକ୍ଷୀ ଓ ପୋଲିସ ତଦନ୍ତ ରିପୋର୍ଟକୁ ଭତ୍ତିକରି କୋର୍ଟ ପକ୍ଷରୁ ଏଭଳି ଆଦେଶ ହୋଇଥିବା ସ୍ବତନ୍ତ୍ର ପବ୍ଲିକ ପ୍ରସିକ୍ୟୁଟର ଗଣେଷ ପ୍ରସାଦ ମହାପାତ୍ର କହିଛନ୍ତି।
