ଦିବ୍ୟାଙ୍ଗ ଯୁବତୀଙ୍କୁ ଗଣବଳାତ୍କାର: ୨ ଅଭିଯୁକ୍ତଙ୍କୁ ୨୦ ବର୍ଷ ଜେଲଦଣ୍ଡ

ଫୁଲବାଣୀ,୨୯।୧(ରାକେଶ କୁମାର ରାଉତ): କନ୍ଧମାଳ ଜିଲା ଫୁଲବାଣୀ ଜିଲା ଦୌରାଜଜ୍‌ ସତ୍ୟପୀର ମିଶ୍ର ସୋମବାର ଏକ ଗଣବଳାତ୍କାର ମାମଲାର ବିଚାର କରି ଦୁଇ ଅଭିଯୁକ୍ତଙ୍କୁ ୨୦ ବର୍ଷ ଲେଖାଏ ଜେଲଦଣ୍ଡ ଶୁଣାଇଛନ୍ତି ା ଏଥିସହ ପ୍ରତ୍ୟେକଙ୍କୁ ୫୦ ହଜାର ଲେଖାଏ ଜରିମାନା କରିଛନ୍ତି। ଜରିମାନା ଅନାଦାୟ ଉଭୟଙ୍କୁ ଅଧିକ ଦୁଇ ବର୍ଷ ଲେଖାଏ ଜେଲଦଣ୍ଡ ଭୋଗିବାକୁ ରାୟରେ ଉଲ୍ଲେଖ ରହିଛି। ଅଭିଯୁକ୍ତ ଦ୍ୱୟ ହେଲେ ଫୁଲବାଣୀ ହାଟପଦା କାଚରା ସାହିର ଜନ୍ମେଜୟ ପୋଢ(ମଣ୍ଟୁ) ଓ ଶଗଡିଆ ସାହିର ତ୍ରିଲୋଚନ ନାୟକ (ଚିକୁନ)।

୨୦୨୧ରେ ଜନ୍ମେଜୟ ଓ ତ୍ରିଲୋଚନ ପିଇବା ପାଣି ଜାର ନେଇ ବିଭିନ୍ନ ଗ୍ରାମରେ ବିକ୍ରି କରୁଥିଲେ। ଘଟଣା ଦିନ ସେମାନେ ପୀଡିତାଙ୍କ ଗ୍ରାମକୁ ଯାଇଥିଲେ ା ଘରେ କେହି ନ ଥିବାର ସୁଯୋଗ ନେଇ ସମ୍ପୃକ୍ତା ଦିବ୍ୟାଙ୍ଗ ଯୁବତୀଙ୍କୁ ପାଣି ପିଇବାକୁ ମାଗିଥିଲେ ା ଏହାପରେ ଘର ଭିତରକୁ ଯାଇ ତାଙ୍କୁ ବଳାକତ୍ାର କରିଥିଲେ। କିଛି ସମୟ ପରେ ଯୁବତୀଙ୍କ ମା’ ଘରକୁ ଫେରିବା ପରେ ସେ ତାଙ୍କ ଆଗରେ ସବୁକଥା କହିଥିଲେ। ଏ ନେଇ ପରିବାର ପକ୍ଷରୁ ଖଜୁରିପଡ଼ା ଥାନାରେ ଏତଲା ଦିଆଯାଇଥିଲା। ଏନେଇ ପୋଲିସ ଏକ ମାମାଲା(ନଂ.୪୨/୨୧) ରୁଜୁ କରି ଅଭିଯୁକ୍ତଙ୍କୁ ଗିରଫ କରିଥିଲା। ସମସ୍ତ ସାକ୍ଷ୍ୟ ପ୍ରମାଣକୁ ଆଧାର କରି ବିଚାରପତି ଉପରୋକ୍ତ ଦଣ୍ଡାଦେଶ ଦେଇଛନ୍ତି। ସରକାରଙ୍କ ପକ୍ଷରୁ ସ୍ବତନ୍ତ୍ର ପିପି ସୌମେନ୍ଦ୍ର ସାହୁ ମାମଲା ପରିଚାଳନା କରୁଥିଲେ।