ବମ୍ବେ: ବିଗ୍ବସ୍-୧୫ ଘରକୁ ଆଉ ଫେରିବେନି ଅଭିନେତା ରାକେଶ ବାପଟ୍। ସ୍ବାସ୍ଥ୍ୟଗତ ସମସ୍ୟା ଯୋଗୁ ସେ ଶୋ’ ଛାଡ଼ି ଦେଇଛନ୍ତି। କିଛିଦିନ ତଳେ ସେ ଓ୍ବାଇଲ୍ଡ କାର୍ଡ ଭାବେ ଏଣ୍ଟ୍ରି ନେଇଥିଲେ। ଅନ୍ୟତମ ପ୍ରତିଯୋଗୀ ସମିତା ସେଟ୍ଟୀଙ୍କୁ ସେ ପ୍ରେମ କରୁଥିବାରୁ ଉଭୟଙ୍କ ରୋମାନ୍ସ ଶୋ’ରେ ଦେଖିବାକୁ ମିଳିବ ବୋଲି ଆଶା କରାଯାଉଥିଲା। ହେଲେ ଓଲଟା ହୋଇଛି। ରାକେଶଙ୍କୁ ଅବେଳରେ ବାହାରିଯିବାକୁ ପଡ଼ିଛି।
କୁହାଯାଉଛି ରାକେଶଙ୍କ ପେଟରେ ଯନ୍ତ୍ରଣା ହୋଇଥିଲା। ପରୀକ୍ଷା ପରେ ତାଙ୍କ ପେଟରେ ପଥର ହୋଇଥିବା ଜଣାପଡ଼ିଥିଲା। ଏବେ ତାଙ୍କର ଚିକିତ୍ସା ଜାରି ରହିଛି। ଡାକ୍ତରମାନେ ତାଙ୍କୁ ଆରାମ କରିବାକୁ ପରାମର୍ଶ ଦେଇଛନ୍ତି। ଏଣୁ ଶୋ’ରୁ ବାହାରିଯିବା ଏକମାତ୍ର ରାସ୍ତା ରହିଥିଲା। ଏହି କଥା ଜଣାପଡ଼ିବା ପରେ ସମିତା ଭାଙ୍ଗିପଡ଼ିବେ ବୋଲି କୁହାଯାଉଛି। କାରଣ ଏହା ତାଙ୍କ ପାଇଁ ଝଟକାଠାରୁ କମ୍ ନୁହେଁ।
