ବମ୍ବେ: ଚର୍ଚ୍ଚାରେ ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଭଉଣୀ ସମିତା ସେଟ୍ଟୀ। ସେ ଏବେ ବିବାଦୀୟ ଶୋ’ ‘ବିଗ୍ବସ୍’ ଓଟିଟିରେ ପ୍ରତିଯୋଗୀ ଭାବେ ଯୋଗ ଦେଇଛନ୍ତି। ସେଠାରେ ରାକେଶ ବାପତଙ୍କ ସହ ତାଙ୍କର ସମ୍ପର୍କ ନିବିଡ଼ ହେବାରେ ଲାଗିଛି। ସକାଳୁ ଉଠି ରାକେଶ ସମିତାଙ୍କୁ ଚୁମ୍ବନ ଦେଉଥିବା ଦେଖାଯାଉଛି। ସେହିଭଳି ଟାସ୍କରେ ସମିତାଙ୍କ ସହ ରହୁଛନ୍ତି ସେ। ବୁଧବାର ପ୍ରକାଶିତ ହୋଇଥିବା ଅଧ୍ୟାୟରେ ରାକେଶ ଅଭିନେତ୍ରୀଙ୍କ ଗୋଡ ମୋଡୁଥିବା ମଧ୍ୟ ଦେଖାଯାଇଛି। ଉଭୟଙ୍କ ଯୋଡିଙ୍କୁ ସୋସିଆଲ ମିଡିଆରେ ବେଶ ପସନ୍ଦ କରାଯାଉଛି।
ପ୍ରଥମେ ପ୍ରଥମେ ସମିତାଙ୍କର ରାକେଶଙ୍କ ସହ ସେତେଟା ଭଲ ସମ୍ପର୍କ ନ ଥିଲା। ହେଲେ ଦ୍ୱିତୀୟ ସପ୍ତାହରୁ ନୂଆ ଯୋଡି ଭାବେ ରାକେଶ-ସମିତାଙ୍କ କେମିଷ୍ଟ୍ରୀ ଦର୍ଶକଙ୍କୁ ବେଶ ପସନ୍ଦ ଆସୁଛି। ଧିରେ ଧିରେ ଉଭୟ ପରସ୍ପର ସହ ବ୍ୟକ୍ତିଗତ ଜୀବନ ବିଷୟରେ କଥା ହେଉଛନ୍ତି। ନିକଟରେ ରାକେଶ ତାଙ୍କ ଛାଡ଼ପତ୍ର ବିଷୟରେ ସମିତାଙ୍କୁ କହିଥିଲେ। ସେହିଭଳି ସମିତା ନିଜର ଆଗ୍ଜାଇଟି ବିଷୟରେ ତାଙ୍କୁ ଜଣାଇଥିଲେ।
ଚଳିତ ଥର ବିଗ୍ବସ୍ର ଥିମ୍ ରହିଛି କନେକ୍ଟେଡ୍ ରହିବା। ଶୋ’ରେ ଆଗକୁ ବଢ଼ିବା ପାଇଁ ସମସ୍ତଙ୍କୁ ପରସ୍ପର ସହ ସମ୍ପର୍କ ଗଢ଼ିବାକୁ ହେବ। ଯେଉଁ ସମ୍ପର୍କ ଅଧିକ ମଜଭୂତ ହେବ, ସେ ଆଗକୁ ବଢ଼ିପାରିବ।