ଇଟ୍ଟାନଗର,୮।୩: ଅରୁଣାଚଳ ପ୍ରଦେଶରେ ପଶ୍ଚିମ ୟୁରୋପ ଏବଂ ଯୁକ୍ତରାଷ୍ଟ୍ର ଆମେରିକାର ମାଣ୍ଡାରିନ ବତକ ଦେଖିବାକୁ ମିଳିଛି। ଏ ସମ୍ପର୍କରେ ଅରୁଣାଚଳ ପ୍ରଦେଶ ମୁଖ୍ୟମନ୍ତ୍ରୀ ପେମା ଖଣ୍ଡୁ ଏକ ଭିଡିଓ ଶେୟାର କରି ସୂଚନା ଦେଇଛନ୍ତି। ନିଜେ ଏହି ବତକକୁ ଦେଖି ଆଶ୍ଚର୍ଯ୍ୟ ହୋଇଯାଇଥିବା କହିଛନ୍ତି।
ମାଣ୍ଡାରିନ୍ ବତକ ମୂଳ ପରିଚିଙ୍ଗ ପ୍ରଜାତିର। ଯାହା ଏହି ସପ୍ତାହରେ ଅରୁଣାଚଳ ପ୍ରଦେଶରେ ଦେଖିବାକୁ ମିଳିଛି। ଭିଡିଓଟିକୁ ମିନିଷ୍ଟ୍ରି ଅଫ୍ ଏନ୍ଭାଏରନ୍ମେଣ୍ଟ, ଫରେଷ୍ଟ ଆଣ୍ଡ୍ କ୍ଲାଇମେଟ ଚେଞ୍ଜ’ଟୁଇଟର ପେଜ୍ରେ ଶେୟାର କରାଯାଇଛି। ଏହା ପରେ ମୁଖ୍ୟମନ୍ତ୍ରୀ ଏହି ଭିଡିଓକୁ ପୋଷ୍ଟ କରି ଲେଖିଛନ୍ତି, ସେ ବହୁତ ଖୁସି।
୧୮ ସେକେଣ୍ଡର ଏହି ଭିଡିଓରେ ମାଣ୍ଡାରିନ୍ ବତକ ପୋଖରୀରେ ଆଉ ଏକ ବତକ ସହ ପହଁରୁଥିବା ଦେଖିବାକୁ ମିଳିଛି। ଅରୁଣାଚଳ ପ୍ରଦେଶର ଦିରଙ୍ଗ ଘାଟି ନିକଟରେ ଥିବା ଏହା ଦେଖିବାକୁ ମିଳିଛି। ବନବିଭାଗ ଏବଂ ସ୍ଥାନୀୟ ଲୋକ ଏମାନଙ୍କର ସଂରକ୍ଷଣ ପାଇଁ ପ୍ରୟାସ ଜାରି ରଖିଛନ୍ତି।
ମୁଖ୍ୟମନ୍ତ୍ରୀ ପେମା ଖଣ୍ଡୁ ବତଖର ଫଟୋ ଶେୟାର କରି କ୍ୟାପଶନ ଲେଖିଛନ୍ତି, ଏହା ଖୁବ୍ ଭଲ ଏବଂ ଦେଖି ବହୁତ ଖୁସି ଅନୁଭବ କରୁଛି। ସେ ଲେଖିଛନ୍ତି, ସଂରକ୍ଷଣ ପ୍ରୟାସ ଫଳ ପ୍ରଦାନ କରୁଛି। ମାଣ୍ଡାରିନ୍ ଡକ୍ ଦୁନିଆର ସବୁଠାରୁ ସୁନ୍ଦର ବତକ ବୋଲି ବିବେଚନା କରାଯାଏ।