ଦୀର୍ଘବର୍ଷ ଧରି ପୃଥିବୀର ବୈଜ୍ଞାନିକମାନେ ମଙ୍ଗଳ ଗ୍ରହରେ ଜୀବନର ସନ୍ଧାନ ଖୋଜୁଥିଲେ। ଏହି ସନ୍ଧାନରେ ଅନେକ ମହାକାଶଯାନ ମଧ୍ୟ ମଙ୍ଗଳ ଗ୍ରହକୁ ପଠାଯାଇଛି। ବେଳେବେଳେ ମଙ୍ଗଳ ଗ୍ରହ ବୁଲିବା ସମୟରେ, ଏହି ମହାକାଶଯାନ ଏପରି କିଛି ଅନନ୍ୟ ଦୃଶ୍ୟ କଏଦ କରିଛି, ଯାହା ଦେଖି ବୈଜ୍ଞାନିକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି।
୧୯୭୬ରେ, ଆମେରିକୀୟ ସ୍ପେସ୍ ଏଜେନ୍ସି ‘ନାସା’ ମଙ୍ଗଳ ଗ୍ରହର କକ୍ଷପଥରେ ଓ୍ବିକିଙ୍ଗ ମିଶନକୁ ପଠାଇଥିଲା। ସେହି ସମୟ ମଧ୍ୟରେ ନାସାର ଓ୍ବିକିଙ୍ଗ୍ ମିଶନ ମଙ୍ଗଳ ଗ୍ରହରୁ କିଛି ଅନନ୍ୟ ଚିତ୍ର ପଠାଇଥିଲା। ଯାହା ଦେଖି ସମଗ୍ର ବିଶ୍ୱର ବୈଜ୍ଞାନିକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ।
ମଙ୍ଗଳ ଗ୍ରହରେ ଏକ ପିରାମିଡ୍ ଏବଂ ମାନବ ଚେହେରାର ଆକୃତି ଦେଖିବାକୁ ମିଳିଥିଲା। ନାସା ମଧ୍ୟ ଏହା ଦେଖି ଆଶ୍ଚର୍ଯ୍ୟ ହୋଇଥିଲା। ବର୍ତ୍ତମାନ ନାସାର ତିନିଜଣ ପୂର୍ବତନ ବୈଜ୍ଞାନିକ ନିଶ୍ଚିତ କରିଛନ୍ତି ଯେ, ଓ୍ବିକିଙ୍ଗ ମିଶନ ଦ୍ୱାରା ନିଆଯାଇଥିବା ମାନବ ଏବଂ ପିରାମିଡ୍ର ଫଟୋ ସତ୍ୟ।
ଏହା ୧୯୭୦ ଦଶକରୁ ଆରମ୍ଭ ହୋଇଥିଲା। ଯେତେବେଳେ ନାସା ମଙ୍ଗଳ ଗ୍ରହର ଫଟୋ ଉଠାଇବା ପାଇଁ ଦୁଇଟି ମହାକାଶଯାନ ପଠାଇଥିଲା। ସେହି ସମୟରେ, ଉଭୟ ମହାକାଶଯାନ ଦ୍ୱାରା ପଠାଯାଇଥିବା ଫଟୋଗ୍ରାଫ୍ ଦେଖିବା ପରେ ବୈଜ୍ଞାନିକମାନଙ୍କର ମଙ୍ଗଳ ଗ୍ରହ ବିଷୟରେ ଚିନ୍ତାଧାରା ବଦଳିଗଲା। ଏହି ରହସ୍ୟମୟ ଆକଳନ ହେତୁ ମଙ୍ଗଳ ଗ୍ରହରେ ଜୀବନ ଅଛି କି ନାହିଁ ବୋଲି ବୈଜ୍ଞାନିକମାନେ ପ୍ରଶ୍ନ କରିବାକୁ ବାଧ୍ୟ ହୋଇଥିଲେ।
ବେଜ୍ଞାନିକ ଡକ୍ଟର ଜନ୍ ଓ୍ବାଣ୍ଡରବର୍ଗ ଅନୁଯାୟୀ, ମାନବ ଚେହେରାର ଆକୃତି ଏବଂ ପିରାମିଡ୍ ମଧ୍ୟରେ ମାତ୍ର ୫ କିଲୋମିଟର ଦୂରତା ଅଛି। ସେ କହିଛନ୍ତି, ଏହା ହୋଇପାରେ ଲୋକମାନେ ବିଶ୍ୱାସ କରନ୍ତି ନାହିଁ ଯେ, ଏଠାରେ ଏଲିଅନ୍ସ ବାସ କରନ୍ତି। କିନ୍ତୁ ଏହା ସମ୍ଭବ ଯେ ପୂର୍ବରୁ ଏଲିଅନ୍ସମାନେ ଏଠାରେ ହିଁ ବାସ କରୁଥିବେ।
