ଜୁନାଗଡ,୨୧।୧୧(ଡି.ଏନ୍.ଏ)-କଳାହାଣ୍ଡି ଜିଲା ଜୁନାଗଡ ବ୍ଲକ ମେରିଆବନ୍ଧଲି ପଞ୍ଚାୟତ ଡୁମେରବାହାଲ ଗ୍ରାମରେ ଶୁକ୍ରବାର ରାତିରେ ଏକ ବିରଳ ପ୍ରଜାତିର ବାଦୁଡି ଦେଖିବାକୁ ମିଳିଛି। ସାଧାରଣତଃ ବାଦୁଡିର ରଙ୍ଗ କଳା ହୋଇଥିବାବେଳେ ଏହି ବାଦୁଡିର ରଙ୍ଗ ନିଳ ଓ ହଳଦିଆ ରହିଥିଲା।
ଘଟଣାରୁ ଜଣାପଡିଛି, ବାଦୁଡିଟି ଗ୍ରାମର କମଳ ମାଝୀଙ୍କ ଛାତ ଉପରେ ବସିଥିଲା। ପରେ ବାଦୁଡିକୁ ଦେଖିବା ପାଇଁ ସ୍ଥାନୀୟ ଲୋକଙ୍କ ଭିଡ ଜମିଥିଲା। ବାଦୁଡିକୁ ଧରିବା ପାଇଁ ଲୋକେ ଉଦ୍ୟମ କରୁଥିବାବେଳେ ସେଠାରୁ ସେ ଉଡି ଯାଇଥିଲା। ଏଥିପ୍ରତି ବନବିଭାଗ ଦୃଷ୍ଟିଦେଇ ଏପରି ବିରଳ ପ୍ରଜାତିର ବାଦୁଡିକୁ ଠାବ କରିବା ପାଇଁ ସାଧାରଣରେ ଦାବି ହୋଇଛି।