ସୋରଡା,୧୦।୫: ଗଞ୍ଜାମ ଜିଲା ସୋରଡା ସରକାରୀ ଡାକ୍ତରଖାନାରେ ଏକ ବିରଳ ଅସ୍ତ୍ରୋପଚାର ଦୀର୍ଘ ୩ ଘଣ୍ଟାରେ ସଫଳ ହୋଇଛି । ଧରାକୋଟ ବ୍ଲକ ଶିଙ୍ଗିପୁର ଗ୍ରାମର ବାଉରୀ ଗଉଡଙ୍କ ସ୍ତ୍ରୀ ଗୋଲାପ ଗଉଡ (୫୨)ଙ୍କ ପିଠିରେ ୧୦ ବର୍ଷ ହେଲା ମାଂସ ପିଣ୍ଡୁଳା ବଢି ବଢି ଚାଲିଥିଲା। ମଙ୍ଗଳବାର ସେ ସୋରଡା ମେଡିକାଲରେ ପହଞ୍ଚି ଅସ୍ତ୍ରୋପଚାର କରିଥିଲେ। ଡାକ୍ତର ସନ୍ତୋଷ କୁମାର ପଣ୍ଡା,ଫାର୍ମଶିଷ୍ଟ ସୁନିଲ ସାମନ୍ତରାୟ ସମେତ ନର୍ସମାନଙ୍କୁ ନେଇ ଏକ ଟିମ୍ ସାରେ ସଫଳତାର ସହ ୩୦୦ ଗ୍ରାମ ଓଜନର ମାଂସ ପିଣ୍ଡୁଳାକୁ ବାହାର କରିଥିଲେ । ସ୍ବାମୀ ବାଉରୀ ଗରିବ ଶ୍ରେଣୀର ହୋଇଥିବା ବେଳେ ମାଗଣାରେ ଏହି ସେବା ପାଇ ଆନନ୍ଦିତ ହୋଇଥିଲେ। ଡାକ୍ତର ପଣ୍ଡା ଏଠାରେ ଏପରି ୧୦୦ ରୁ ଉର୍ଦ୍ଧ ଜଟିଳ ଅସ୍ତ୍ରୋପଚାର କରିସାରିଛନ୍ତି।