ନୂଆଦିଲ୍ଲୀ,୬।୭: ଷ୍ଟାର ଲେଗ୍ ସ୍ପିନର ରଶିଦ ଖାଁଙ୍କୁ ମଙ୍ଗଳବାର ଆଫଗାନିସ୍ତାନ ଟି୨୦ ଦଳର ଅଧିନାୟକ ଭାବେ ନିଯୁକ୍ତ କରାଯାଇଛି। ୟୁଏଇରେ ଅକ୍ଟୋବର ୧୭ରୁ ନଭେମ୍ବର ୧୪ ମଧ୍ୟରେ ୟୁଏଇରେ ହେବାକୁ ଥିବା ଟି୨୦ ବିଶ୍ୱକପ୍କୁ ଦୃଷ୍ଟିରେ ରଖି ଏହି ନିଷ୍ପତ୍ତି ନେଇଛି ଆଫଗାନିସ୍ତାନ କ୍ରିକେଟ ବୋର୍ଡ (ଏସିବି)। ବାମହାତୀ ବ୍ୟାଟ୍ସମ୍ୟାନ ନାଜିବୁଲା ଜଡ୍ରାନଙ୍କୁ ଦିଆଯାଇଛି ଉପ ଅଧିନାୟକ ଦାୟିତ୍ୱ। ଜାତୀୟ ଦଳ ପାଇଁ ପ୍ରଦର୍ଶନ ଓ ଅଭିଜ୍ଞତାକୁ ଦୃଷ୍ଟିରେ ରଖି ରଶିଦଙ୍କୁ ଅଧିନାୟକ ଭାବେ ବାଛିଯାଇଥିବା ଏସିବି ପକ୍ଷରୁ କୁହାଯାଇଛି।
ଜାତୀୟ ଦଳର ନେତୃତ୍ୱ ନେବା ସମ୍ମାନର କଥା ବୋଲି କହିଛନ୍ତି ବିଶ୍ୱର ଦ୍ୱିତୀୟ ର଼୍ୟାଙ୍କଧାରୀ ଟି୨୦ ବୋଲର। ଟି୨୦ ବିଶ୍ୱକପ୍ ପାଇଁ ଗ୍ରୁପ୍ ବି’ରେ ଆଫଗାନିସ୍ତାନ ସହ ଇଂଲଣ୍ଡ, ଭାରତ ଓ ଦକ୍ଷିଣ ଆଫ୍ରିକା ସ୍ଥାନ ପାଇଛନ୍ତି। କ୍ୱାଲିଫାୟରୁ ଦୁଇଟି ଦଳ ଏହି ଗ୍ରୁପ୍ରେ ସାମିଲ ହେବେ।