ମୁମ୍ବାଇ: ଟେଲି ଜଗତରେ ରଶ୍ମି ଦେଶାଇ ଜଣେ ସଫଳ ଅଭିନେତ୍ରୀ। ତେବେ ରଶ୍ମୀଙ୍କ ଡ୍ୟାନ୍ସର ସମସ୍ତେ ଦିଓ୍ବାନା। ‘ନଚ୍ ବଲିୟେ’ ସୋ’ରେ ସେ ଜଣେ ଷ୍ଟ୍ରଙ୍ଗ୍ କଣ୍ଟେଷ୍ଟାଣ୍ଟ ଥିଲେ। କରୋନା ପାଇଁ ସବୁ ଶୁଟିଂ ବନ୍ଦ ଥିଲା। ଦେଶ ଅନ୍ଲକ୍ ହେବାପରେ ଜୁଲାଇ ମାସରୁ ଶୁଟିଂ ଆରମ୍ଭ ହୋଇଛି। ସେଥିପାଇଁ ତାଙ୍କ ଖୁସି କହିଲେ ନ ସରେ। ସେ ଖୁସିରେ ତାଙ୍କର ବିଭନ୍ନ ପୋଜ୍ର ଫଟୋ ସହ ଭିଡିଓ ମଧ୍ୟ କରି ଶୁଟିଂ ସେଟ୍ରୁ ହି ଇନ୍ଷ୍ଟାଗ୍ରାମରେ ଅପ୍ଲୋଡ କରିଛନ୍ତି। ରଶ୍ମି ବର୍ତ୍ତମାନ ‘ନାଗୀନ-୪’ର ଶୁଟିଂରେ ବ୍ୟସ୍ତ ଅଛନ୍ତି। ଏହାର ଫିନାଲେ ଜବରଦସ୍ତ ହୋଇଛି ବୋଲି ସେ କହିଛନ୍ତି। ନିକଟରେ ସେ ଶୁଟିଂ ଲୋକେଶନରୁ ନିଜର ଏକ ଭିଡିଓ ଶେୟାର କରିଥିଲେ। ଯେଉଁ ଭିଡିଓରେ ସେ ଦେଶୀ ଗର୍ଲ ଷ୍ଟାଇଲ୍ରୁ ସଙ୍ଗେ ସଙ୍ଗେ ଓ୍ବେଷ୍ଟର୍ନ ଆଉଟ୍ଫିଟ୍ରେ ନଜର୍ ଆସିଥିଲେ। ତାଙ୍କର ଏହି ଟ୍ରାନ୍ସଫର୍ମେଶନ ଭିଡିଓକୁ ଫ୍ୟାନ୍ମାନେ ବେଶ୍ ଲାଇକ୍ କରିଛନ୍ତି। ଏହି ଭିଡିଓକୁ ରଶ୍ମି ତାଙ୍କ ଭ୍ୟାନିଟି ଭ୍ୟାନ୍ରୁ ଶୁୁଟ୍ କରି ଶେୟାର କରିଛନ୍ତି। ଦୁଇଟି ଯାକ ଗେଟ୍ଅପ୍ରେ ସେ ସୁନ୍ଦର ଦେଖାଯାଉଛନ୍ତି ବୋଲି ଫ୍ୟାନ୍ମାନେ କମେଣ୍ଟ କରିଛନ୍ତି। ରଶ୍ମି ତାଙ୍କ ରିଲ୍ ଲାଇଫ୍ରେ ବେଶ୍ ସଫଳ ହୋଇଥିବାବେଳେ ରିୟଲ ଲାଇଫ୍ରେ ତାଙ୍କ ବୈବାହିକ ଜୀବନ ବିଫଳ ହୋଇଛି। ରଶ୍ମୀଙ୍କୁ ‘ଉତ୍ତରନ’ ସିରିୟଲରୁ ସମସ୍ତେ ଚିହ୍ନିଥିଲେ। ତପସ୍ୟା ଚରିତ୍ରଟି ଦର୍ଶକଙ୍କୁ ବେଶ୍ ପ୍ରଭାବ ପକାଇଥିଲା। ସେ ଏହି ସିରିୟଲରୁ ତାଙ୍କ କୋ-ଆକ୍ଟର ନନ୍ଦୀଶ ଶାନ୍ଧୁଙ୍କୁ ୨୦୧୨ ମସିହାରେ ବିବାହ କରିଥିଲେ। କିନ୍ତୁ ୨ଜଣଙ୍କ ମଧ୍ୟରେ ମତାନ୍ତର ହେବାରୁ ୨୦୧୫ ମସିହାରେ ଦୁହେଁ ଅଲଗା ହୋଇଯାଇଥିଲେ।