ଅଭିନେତା ସିଦ୍ଧାର୍ଥ ମାଲହୋତ୍ରା ଶେରଶାହାରେ ଦମଦାର ଅଭିନୟ କରି ଦର୍ଶକଙ୍କ ହୃଦୟ ଜିତିଥିଲେ। ବର୍ତ୍ତମାନ ତାଙ୍କର ଆଉ ଏକ ଫିଲ୍ମ ‘ମିଶନ ମଜ୍ନୁ’ ଜୁନ୍ ୧୦ରେ ପ୍ରେକ୍ଷାଳୟରେ ରିଲିଜ୍ ହେବାକୁ ଯାଉଛି। ଏହି ଫିଲ୍ମକୁ ନିର୍ଦ୍ଦେଶନା ଦେଇଛନ୍ତି ଶାନ୍ତନୁ ବାଗ୍ଚି। ସିଦ୍ଧାର୍ଥଙ୍କ ସହ ଏହି ଫିଲ୍ମରେ ରଶ୍ମିକା ମନ୍ଦାନା ମଧ୍ୟ ନଜର ଆସିବେ। ପ୍ରଥମ ଥର ପାଇଁ ଏହି ଯୋଡିକୁ ଦେଖିବାକୁ ପାଇବେ ଦର୍ଶକ। ଫିଲ୍ମଟି ମେ’ ୧୩ରେ ରିଲିଜ୍ ହେବାର ଥିଲା। ତେବେ କୋଭିଡ୍ ପାଇଁ ଏହାର ରିଲିଜ୍ ତାରିଖକୁ ବଢାଇ ଦିଆଯାଇଛି। ଫିଲ୍ମର ନିର୍ମାତା ଫିଲ୍ମ ତାରିଖ ଘୋଷଣା କରି କହିଛନ୍ତି, ‘ମିଶନ ମଜ୍ନୁ’ ଜୁନ୍ ୧୦ରେ ଆସିବ, ପ୍ରସ୍ତୁତ ରୁହ।’