ସୋସିଆଲ ମିଡିଆରେ ପ୍ରତ୍ୟହ କିଛି ନା କିଛି ମଜାଦାର ଭିଡିଓ ଭାଇରାଲ ହୋଇଥାଏ, ଯାହାକୁ ଦେଖିଲେ ହସ ରୋକି ହୁଏନା। ଏବେ ସେଭଳି ଏକ ଜବରଦସ୍ତ ଭିଡିଓ ସାମ୍ନାକୁ ଆସିବା ପରେ ବେଶ ଭାଇରାଲ ହେଉଛି। ଭିଡିଓରେ ଏକ ମୂଷା ଦୋକାନକୁ ଯାଇ କିଭଳି ପେଟେ ମଦ ପିଇଦେଉଛି ତାହା ଦେଖିବାକୁ ମିଳୁଛି। ଏହାପରେ ଯାହା ହେଉଛି ତାକୁ ଦେଖିଲେ ଆପଣ ହସି ହସି ଗଡ଼ିଯିବେ।
ଭିନ୍ନ ଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଶେୟାର କରାଯାଇଥିବା ଭିଡିଓକୁ ଦେଖି ଲାଗୁଛି ଯେ ମୂଷାଟିକୁ ବେଶ ଶୋଷ ଲାଗୁଥିଲା। ସେ ପାଣି ଟୋପାଏ ଖୋଜିବାକୁ ଯାଇ ଦୋକାନରେ ପଶିଥିଲା। ସେଠାରେ ତାଙ୍କୁ ମଦ ବୋତଲ ଭର୍ତ୍ତି ପେଟି ରହିଥିଲା। ମୂଷାଟି ପେଟିରେ ରଖାଯାଇଥିବା ମଦ ବୋତଲକୁ ପାଣି ଭାବି ପିଇ ଦେଇଥିଲା। ଜନ୍ତୁଟି ସିନା ଜାଣି ପାରି ନ ଥିଲା ହେଲେ ପରେ ମଦ ନିଶାରେ ସେ ଟଳମଳ ହୋଇଥିଲା। ଏପରିକି ସେ ସେଠାରେ ପଡ଼ି ଯାଇଥିଲା। ଦୋକାନୀଜଣଙ୍କ ଏହା ଦେଖିବା ପରେ ଭିଡିଓ କରି ତାକୁ ଭାଇରାଲ କରିଥିଲେ।
ଭିଡିଓଟିକୁ ଇନଷ୍ଟାଗ୍ରାମରେ dramebaazchhori99 ନାମକ ହ୍ୟାଣ୍ଡେଲରୁ ଶେୟାର କରାଯାଇଛି। ଏହା ଭାଇରାଲ ହେବା ପରେ ଲୋକେ ଭଳିକି ଭଳି ପ୍ରତିକ୍ରିୟା ଦେଉଛନ୍ତି।