ପାର୍ସି ଧର୍ମର ଥିଲେ, ହେଲେ ସବୁ ଧର୍ମର ପୂଜକଙ୍କ ଉପସ୍ଥିତିରେ କରାହେଲା ରତନ ଟାଟାଙ୍କ ଶେଷକୃତ୍ୟ; Video

ମୁମ୍ବାଇ,୧୧।୧୦: ବିଶିଷ୍ଟ ଶିଳ୍ପପତି ରତନ ଟାଟାଙ୍କ ମୁମ୍ବାଇର ବ୍ରିଚ୍‌ କ୍ୟାଣ୍ଡି ହସ୍ପିଟାଲରେ ପରଲୋକ ଘଟିଛି। ଏହାକୁ ନେଇ ସାରା ଭାରତରେ ଶୋକର ଛାୟା ଖେଳିଯାଇଛି। ଦେଶବାସୀ ଏହି କ୍ଷତିକୁ ବ୍ୟକ୍ତିଗତ ବୋଲି ମତ ରଖୁଛନ୍ତି। ଏପରିକି ସେ ନିଜର ଶେଷ ସମୟରେ ‘ଏକତାର ବାର୍ତ୍ତା’ ଦେଇଥିବା ଅନେକେ କହୁଛନ୍ତି।

ଗୁରୁବାର ରତନ ଟାଟାଙ୍କ ଅନ୍ତିମ ସତ୍କାର କରାଯିବା ପୂର୍ବରୁ ଏକ ପ୍ରାର୍ଥନା ସଭା ରଖାଯାଇଥିଲା। ସେଠାରେ ପାର୍ସି, ମୁସଲମାନ,ଖ୍ରିଷ୍ଟିଆନ୍‌, ଶିଖ୍‌ ଏବଂ ହିନ୍ଦୁ ଧର୍ମାବଲମ୍ବି ପୂଜକମାନେ ଉପସ୍ଥିତ ଥିଲେ। ଏହାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି, ଯାହାକୁ ଦେଖି ଶିଳ୍ପପତିଙ୍କୁ ‘ଭାରତର ପ୍ରକୃତ ରତ୍ନ’ ବୋଲି କୁହାଯାଉଛି।

ତେବେ ଓ୍ବର୍ଲିରେ ଥିବା ପାର୍ସି ଶ୍ମଶାନଘାଟକୁ ରତନ ଟାଟାଙ୍କ ମରଶରୀର ନିଆଯାଇଥିଲା। ସେଠାରେ ଥିବା ପ୍ରାର୍ଥନା ଗୃହରେ ୪୫ ମିନିଟ ଧରି ଏହାକୁ ରଖାଯାଇଥିଲା। ପରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା।