ଭୁବନେଶ୍ୱର,୨।୨: ରାଜ୍ୟର ଅଗ୍ରଣୀ ଘରୋଇ ସଂସ୍ଥା ତଥା ରାଠୀ ଷ୍ଟିଲ୍ ଆଣ୍ଡ ଆପ୍ଲାଏନ୍ସର ଏକ୍ସକ୍ଲୁସିଭ ଆଉଟ୍ଲେଟ୍ ‘ରାଠୀ ଷ୍ଟିଲ୍’ ଗୁରୁବାର ସମ୍ବଲପୁର ଜିଲାର ବୁଢ଼ାରାଜାଠାରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ରାଠୀ ଷ୍ଟିଲ୍ ଆଣ୍ଡ ଆପ୍ଲାଏନ୍ସର ଏମ୍ଡି ନିର୍ମଳ ରାଠୀ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ରାଠୀ ଷ୍ଟିଲ୍ ଆଣ୍ଡ ଆପ୍ଲାଏନ୍ସର ନିର୍ଦ୍ଦେଶକ ରାଜୁ ରାଠୀ ଏବଂ ପ୍ରେଷ୍ଟିଜ ଓଡ଼ିଶା ୟୁନିଟ୍ର ଏଏସ୍ଏମ୍ ଜ୍ଞାନରଞ୍ଜନ ପରିଡା ପ୍ରମୁଖ ଉପସ୍ଥିତ ଥିଲେ।
ଉଲ୍ଲେଖଯୋଗ୍ୟ, ୫୦୦ ବର୍ଗ ଫୁଟ ପରିବ୍ୟାପ୍ତ ସ୍ଥାନରେ ଏକ ବୃହତ୍ ଷ୍ଟିଲ୍ ବାସନ କାଉଣ୍ଟର ‘ରାଠୀ ଷ୍ଟିଲ୍’ର ଶୁଭାରମ୍ଭ କରାଯାଇଛି। ଏଠାରେ ସମସ୍ତ ପ୍ରକାର ଷ୍ଟିଲ୍ ବାସନକୁସନ ସାଙ୍ଗକୁ ପ୍ରେଷ୍ଟିଜର ସମସ୍ତ ଉତ୍ପାଦ ଉପଲବ୍ଧ। ସେହିଭଳି ଆଗକୁ ବିଭାଘର ଋତୁ ଥିବାରୁ ଗ୍ରାହକଙ୍କୁ ଗୁଣାତ୍ମକ ମାନର ଉତ୍ପାଦ ସୁଲଭ ମୂଲ୍ୟରେ ଯୋଗାଇଦେବାକୁ ଲକ୍ଷ୍ୟ ରଖାଯାଇଛି। ଏପରିକି ଗ୍ରାହକଙ୍କ ଚାହିଦା ଓ ଆବଶ୍ୟକତାକୁ ପୂରଣ କରିବା ପାଇଁ ପ୍ରେଷ୍ଟିଜର ପ୍ରେସର କୁକୁରଠାରୁ ଆରମ୍ଭକରି ଷ୍ଟୋଭ ପର୍ଯ୍ୟନ୍ତ ସମସ୍ତ ଘରକରଣା ସାମଗ୍ରୀ ସୁଲଭ ମୂଲ୍ୟ ଓ ଆକର୍ଷଣୀୟ ରିହାତିରେ ଯୋଗାଇ ଦିଆଯାଉଛି।