ମଥୁରା,୨୪।୧୧ : ଉତ୍ତରପ୍ରଦେଶରେ ମଥୁରା ପୋଲିସର ଏକ ଆଶ୍ଚର୍ଯ୍ୟଜନକ ରିପୋର୍ଟ ସାମ୍ନାକୁ ଆସିଛି। ଏପରିକି ପୋଲିସର ଏହି ରିପୋର୍ଟକୁ ବିଶ୍ୱାସ କରିବା କଷ୍ଟକର ହୋଇପଡିଛି। ପୋଲିସ କଥା ଶୁଣିବା ପରେ କୋର୍ଟରେ ବିଚାରପତି ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ବାସ୍ତବରେ, ମୂଷା ୫୮୧ କିଲୋଗ୍ରାମ୍ ଗଞ୍ଜେଇ ଖାଇଦେଇଥିବା ପୋଲିସ ରିପୋର୍ଟରେ ଉଲ୍ଲେଖ କରାଯାଇଛି।
ମଥୁରା ପୋଲିସ ପକ୍ଷରୁ କୋର୍ଟରେ ଏହି ରିପୋର୍ଟ ଉପସ୍ଥାପନ କରାଯାଇଛି। ଗୋଦାମରେ ରଖାଯାଇଥିବା ଜବତ ଗଞ୍ଜେଇ ମୂଷା ଖାଇ ଦେଇଛନ୍ତି। ଏହାର ଆନୁମାନିକ ମୂଲ୍ୟ ୬୦ ଲକ୍ଷ ଟଙ୍କା ବୋଲି କୁହାଯାଉଛି।
ପୋଲିସର ଏହି ରିପୋର୍ଟ ନେଇ କୋର୍ଟ ଆଶ୍ଚର୍ଯ୍ୟ ପ୍ରକଟ କରିଛନ୍ତି ଏବଂ ୨୬ ନଭେମ୍ବର ସୁଦ୍ଧା ଗଞ୍ଜେଇ ଖାଉଥିବା ମୂଷାଙ୍କ ପ୍ରମାଣ ଉପସ୍ଥାପନ କରିବାକୁ କହିଛନ୍ତି। ମୂଷା ସମସ୍ୟାର ମୁକାବିଲା କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ମୂଷାମାନଙ୍କୁ ନିୟନ୍ତ୍ରଣ କରିବା ପାଇଁ ପଦକ୍ଷେପ ନେବାକୁ କୋର୍ଟ ଏସଏସପିଙ୍କୁ କହିଛନ୍ତି।
୨୦୧୮ରେ ଜବତ ହୋଇଥିବା ଏହି ଗଞ୍ଜେଇକୁ ଗୋଦାମମରେ ରଖାଯାଇଥିଲା। ପୋଲିସ ପ୍ରମାଣ ଭାବରେ ମୂଷା ଖାଇଥିବା ଗଞ୍ଜେଇ କୋର୍ଟରେ ଦାଖଲ କରିଥିଲା। ପୋଲିସ କହିଛି ଯେ ଗୋଦାମରେ ବହୁତଗୁଡ଼ିଏ ମୂଷା ଅଛନ୍ତି ଏବଂ ସେମାନଙ୍କଠାରୁ ଗଞ୍ଜା ରକ୍ଷା କରାଯାଇପାରିବ ନାହିଁ। ଜବତ ହୋଇଥିବା ଗଞ୍ଜେଇ ଦାଖଲ କରିବାରେ ପୋଲିସ ନିଜର ଅସହାୟତା ପ୍ରକାଶ କରିଛି। ପୋଲିସ ଏହା ମଧ୍ୟ କହିଛି ଯେ ବଳକା ଥିବା ଗଞ୍ଜେଇ ନଷ୍ଟ ହୋଇଯାଇଛି। ବର୍ତ୍ତମାନ ପରବର୍ତ୍ତୀ ଏହି ମାମଲାର ପରବର୍ତ୍ତୀ ଶୁଣାଣି ୨୬ ନଭେମ୍ବରରେ ହେବ।