ରାମାୟଣ ସମ୍ବନ୍ଧୀୟ ରହସ୍ୟ ବିଷୟରେ ଜାଣିବାକୁ ସମସ୍ତଙ୍କର ଆଗ୍ରହ ଥାଏ। ବିଶ୍ୱାସ କରାଯାଏ, ଆଜି ମଧ୍ୟ ଶ୍ରୀଲଙ୍କାରେ ରାମାୟଣ ଏବଂ ଭଗବାନ ରାମଙ୍କ ସହ ଜଡ଼ିତ ଅନେକ ଚିହ୍ନ ଏବଂ ପ୍ରମାଣ ରହିଛି। ଯାହା ବିଷୟରେ ସମସ୍ତେ ଜାଣିବାକୁ ଚାହାନ୍ତି। ନବରାତ୍ରିର ସମାପ୍ତି ପରେ ଦଶମୀ ତିଥିରେ ଦଶହରା ପାଳନ କରାଯାଏ। ଯାହାକୁ ବିଜୟ ଦଶମୀ କୁହାଯାଏ। ବିଶ୍ୱାସ କରାଯାଏ, ଏହି ଦଶହରା ଦିନ ଭଗବାନ ରାମ ରାବଣଙ୍କୁ ହତ୍ୟା କରିଥିଲେ।
ଏକ ଅନୁସନ୍ଧାନ ଅନୁଯାୟୀ, ଆଜି ମଧ୍ୟ ପାହାଡ଼ରେ ନିର୍ମିତ ଗୁମ୍ଫାରେ ରାବଣଙ୍କ ମୃତଦେହ ସୁରକ୍ଷିତ ଅଛି। ଏହି ଗୁମ୍ଫା ଶ୍ରୀଲଙ୍କାର ରାଗଲାର ଘଞ୍ଚ ଜଙ୍ଗଲରେ ଅବସ୍ଥିତ। ଭଗବାନ ଶ୍ରୀ ରାମଙ୍କ ହାତରେ ରାବଣ ବଧ ହେବାର ୧୦ ହଜାର ବର୍ଷରୁ ଅଧିକ ସମୟ ଅତିବାହିତ ହୋଇସାରିଲାଣି।
ଯେଉଁ ଗୁମ୍ଫାରେ ରାବଣଙ୍କ ମୃତ ଶରୀର ରଖାଯାଇଛି, ତାହା ରାଗଲା ଜଙ୍ଗଲରେ ୮୦୦୦ ଫୁଟ ଉଚ୍ଚରେ ଅବସ୍ଥିତ। ଏଠାରେ ରାବଣଙ୍କ ମୃତଦେହ ଏକ କଫିନ୍ରେ ରଖାଯାଇଛି। ଏହା ଉପରେ ଏକ ସ୍ବତନ୍ତ୍ର ପ୍ରକାରର ଆବରଣ ପ୍ରୟୋଗ କରାଯାଇଛି, ଯେଉଁ କାରଣରୁ ଏହା ହଜାର ହଜାର ବର୍ଷ ଧରି ସୁରକ୍ଷିତ ରହିପାରିଛି।
ଏହି ଅନୁସନ୍ଧାନ ଶ୍ରୀଲଙ୍କାର ଅନ୍ତର୍ଜାତୀୟ ରାମାୟଣ ଅନୁସନ୍ଧାନ କେନ୍ଦ୍ର ଦ୍ୱାରା କରାଯାଇଛି। ଏହାର ରିପୋର୍ଟ ଅନୁଯାୟୀ, ରାବଣଙ୍କ ଶରୀରକୁ ୧୮ ଫୁଟ ଲମ୍ବ ଏବଂ ୫ ଫୁଟ ଚଉଡ଼ା ଏକ କଫିନ୍ରେ ରଖାଯାଇଛି। ଏହା ମଧ୍ୟ କୁହାଯାଏ, ଏହି କଫିନ ତଳେ ରାବଣଙ୍କ ଅମୂଲ୍ୟ ଧନ ସମ୍ପତ୍ତି ରହିଛି। ଏହି ଭଣ୍ଡାରକୁ ଏକ ଭୟଙ୍କର ସର୍ପ ଏବଂ ଅନେକ ଭୟଭୀତ ପ୍ରାଣୀ ଜଗି ରହିଛନ୍ତି।