ମୁମ୍ବାଇ: ୯୦ ଦଶକରେ ବଲିଉଡ୍ ସୁପରଷ୍ଟାର ଅକ୍ଷୟ କୁମାର ଏବଂ ଅଭିନେତ୍ରୀ ରବୀନା ଟଣ୍ଡନ ସେମାନଙ୍କ ସମ୍ପର୍କକୁ ନେଇ ବେଶ୍ ଚର୍ଚ୍ଚାରେ ଥିଲେ। ସେ ଅନ୍ସ୍କ୍ରିନ୍ ହେଉ କି ଅଫ୍ସ୍କ୍ରିନ୍। ସବୁଠି ଦୁହିଁଙ୍କ ନାଁରେ ଖୁବ୍ ଚର୍ଚ୍ଚା ହେଉଥିଲା। ୯୦ ଦଶକରେ ଉଭୟେ ଉଭୟଙ୍କୁ ଡେଟ୍ କରୁଥିଲେ। ସେମାନଙ୍କର ପ୍ରେମ କାହାଣୀ କାହାକୁ ବି ଅଛପା ନାହିଁ। ଉଭୟଙ୍କ ପ୍ରେମ କାହାଣୀ ୧୯୯୪ରେ ମୁକ୍ତିଲାଭ କରିଥିବା ଫିଲ୍ମ ‘ମୋହରା’ରୁ ଆରମ୍ଭ ହୋଇଥିଲା। କୁହାଯାଏ, ରବୀନା-ଅକ୍ଷୟ ମଧ୍ୟ ବିବାହ ପାଇଁ ପ୍ରସ୍ତୁତି କରିଥିଲେ, ଦୁହିଁଙ୍କର ନିର୍ବନ୍ଧ ବି ସରିଥିଲା। କିନ୍ତୁ ହଠାତ୍ ଖବର ଆସିଲା ଯେ, ଏହି ଯୋଡ଼ି ଅଲଗା ହୋଇଯାଇଛନ୍ତି। ଯଦିଓ ରବୀନା ଏବଂ ଅକ୍ଷୟ ସେମାନଙ୍କ ଅଲଗା ହେବାର ପ୍ରକୃତ କାରଣ ଆଜି ପର୍ଯ୍ୟନ୍ତ ଖୋଲାଖୋଲି ପ୍ରକାଶ କରିନାହାନ୍ତି। ଅକ୍ଷୟଙ୍କ ପ୍ରତାରଣା ହେତୁ ଦୁହେଁ ଅଲଗା ହୋଇଥିବାର ରବୀନା ଏକ ସାକ୍ଷାତକାରରେ ପରୋକ୍ଷରେ ସୂଚାଇଛନ୍ତି। ଅକ୍ଷୟ ତାଙ୍କୁ ପ୍ରତାରଣା କରୁଥିବା ଜାଣିବାକୁ ପାଇଥିଲେ ରବୀନା। ଅନ୍ୟ ଜଣେ ଅଭିନେତ୍ରୀଙ୍କ ସହ ଅକ୍ଷୟଙ୍କ ସମ୍ପର୍କ ହେତୁ ରବୀନାଙ୍କ ସହ ସମ୍ପର୍କ ଭାଙ୍ଗି ଦୁହେଁ ଅଲଗା ହୋଇଯାଇଥିଲେ। ଏହି ସମ୍ପର୍କ ଯୋଗୁ ଉଭୟେ ମଧ୍ୟ ବୃତ୍ତିଗତ ଭାବରେ ପରସ୍ପରଠାରୁ ଦୂରେଇ ଯାଇଥିଲେ।
ଦୀର୍ଘବର୍ଷ ପରେ ରବୀନା ଏବଂ ଅକ୍ଷୟଙ୍କୁ ଏକାଠି ଦେଖିବାକୁ ମିଳିବ। ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ଓ୍ବେଲ୍କମ୍ ଟୁ ଦ ଜଙ୍ଗଲ’ରେ ରବୀନାଙ୍କୁ ଦେଖିବାକୁ ମିଳିବ। ନିକଟରେ ଏକ ସାକ୍ଷାତକାରରେ ଅକ୍ଷୟ କୁମାରଙ୍କ ପ୍ରତାରଣା ବିଷୟରେ ରବୀନାଙ୍କୁ ପଚରାଯାଇଥିଲା, ଯେଉଁଥିରେ ଅଭିନେତ୍ରୀ ସ୍ପଷ୍ଟ ଭାବରେ ଉତ୍ତର ଦେବାକୁ ମନା କରିଦେଇଥିଲେ।
ଅବିଶ୍ୱାସରେ ଏକ ଡିଲ୍ ବ୍ରେକର୍ ଅଛି କି ବୋଲି ପଚରାଯିବାରୁ ରବୀନା କହିଥିଲେ, ‘ମୁଁ ସେ ବିଷୟରେ ଆଲୋଚନା କରିବାକୁ ଚାହେଁ ନାହିଁ। ମୋ ମତରେ , ପ୍ରତ୍ୟେକ ସମ୍ପର୍କ ବିଶ୍ୱାସ, ପ୍ରେମ ଏବଂ ସଚ୍ଚୋଟତା ଉପରେ ଆଧାରିତ। ରବୀନାଙ୍କ ଉତ୍ତରରୁ ଜଣାପଡୁଛି ଯେ, ସେ ଅକ୍ଷୟଙ୍କ ସହ ନିଜର ପୁରୁଣା କ୍ରୋଧକୁ ଭୁଲି ଯାଇଛନ୍ତି।
ରବୀନା ଏବଂ ଅକ୍ଷୟ ଚଳିତ ବର୍ଷ ଆରମ୍ଭରେ ଏକ ପୁରସ୍କାର ଶୋ’ରେ ଯୋଗ ଦେଇଥିଲେ। ବର୍ତ୍ତମାନ ‘ଓ୍ବେଲ୍କମ୍-୩’ରେ ଦୁହେଁ ନଜର ଆସିବେ। ଯାହାର ଆନୁଷ୍ଠାନିକ ଭାବରେ ‘ଓ୍ବେଲ୍କମ୍ ଟୁ ଦ ଜଙ୍ଗଲ’ ନାମରେ ନାମିତ ହୋଇଛି।
କହିରଖୁଛୁ, ଅକ୍ଷୟ କୁମାର ରବୀନାଙ୍କଠାରୁ ବ୍ରେକ୍ଅପ୍ ହେବା ପରେ ଟ୍ବିଙ୍କିଲ୍ ଖାନ୍ନାଙ୍କୁ ବିବାହ କରିଥିବା ବେଳେ ରବୀନା ଫିଲ୍ମ ନିର୍ମାତା ଅନିଲ ଥଡ଼ାନିଙ୍କୁ ବିବାହ କରିଛନ୍ତି।