ମୁମ୍ବାଇ: ଅଭିନେତ୍ରୀ ରବୀନା ଟଣ୍ଡନ ବଲିଉଡ୍ରେ ୩୦ ବର୍ଷ ପୂରା କରିଛନ୍ତି। ୧୯୯୧ରେ ରିଲିଜ ହୋଇଥିବା ଫିଲ୍ମ ‘ପଥର କେ ଫୁଲ୍’ରେ ସେ ପ୍ରଥମଥର କାମ କରିଥିଲେ। ଏହି ଫିଲ୍ମରେ ତାଙ୍କ ବିପକ୍ଷରେ ନାୟକ ଥିଲେ ସଲମାନ ଖାନ୍। ଏକ ସାକ୍ଷାତକାରରେ ରବୀନା ଏକଥା ଖୁଲାସା କରିଥିଲେ। ସେ କହିଥିଲେ, କେବେ ଅଭିନେତ୍ରୀ ହେବାକୁ ଚାହୁଁ ନ ଥିଲେ। ମାତ୍ର ଏହା ବୋଧେ ତାଙ୍କ ଭାଗ୍ୟରେ ଥିଲା। ଯେତେବେଳେ ସେ କଲେଜରେ ପଢୁଥିଲେ ସେ ବିଜ୍ଞାପନ ଗୁରୁ ପ୍ରହଲ୍ଲାଦ କକ୍କରଙ୍କ ସହ କିଛି ମଡେଲିଂ ପ୍ରୋଜେକ୍ଟ କରିଥିଲେ।
ରବୀନା କହିଛନ୍ତି, ଯେତେବେଳେ ପ୍ରହଲ୍ଲାଦଙ୍କ ସହ ଇଣ୍ଟର୍ନଶିପ୍ କରୁଥିଲେ ସେତେବେଳେ ଲୋକେ ତାଙ୍କୁ କହୁଥିଲେ କାହିଁକି କ୍ୟାମେରା ପଛରେ କାମ କରୁଛନ୍ତି ସାମ୍ନାକୁ ତ ଆସନ୍ତୁ। ଦିନେ ତାଙ୍କ ସାଙ୍ଗ ବଣ୍ଟି ତାଙ୍କୁ ଫୋନ୍ କରିଥିଲେ। ସେ ବି ସଲମାନଙ୍କ ସାଙ୍ଗ ଥିଲେ। ବଣ୍ଟି ତାଙ୍କୁ କହିଥିଲେ ଶୀଘ୍ର ସଲମାନଙ୍କୁ ଆସି ଦେଖାକର। ରବୀନା ବାହାରକୁ ଆସିବାରୁ ବଣ୍ଟିଙ୍କ ସହ ସଲମାନ ଆସିଥିବା ଦେଖିଥିଲେ। ସେତେବେଳେ ସଲମାନ ଜିପି ସିପ୍ପି ପ୍ରଡକ୍ସନରେ ପ୍ରସ୍ତୁତ ନିଜ ଫିଲ୍ମ ‘ପଥର କେ ଫୁଲ୍’ ପାଇଁ ନାୟିକା ଖୋଜୁଥିଲେ। ବଣ୍ଟି ସଲମାନଙ୍କୁ ରବୀନାଙ୍କୁ ନେବା ପାଇଁ କହିଥିଲେ। ପରେ ସଲମାନ ଏହି ଫିଲ୍ମ ପାଇଁ ମୋତେ ସୁଯୋଗ ଦେଇଥିଲେ। ଏଥିରେ ମୁଁ ବହୁତ ଖୁସି ହୋଇଯାଇଥିଲି। ଏହା ପରଠାରୁ ଆଉ ପଛକୁ ଫେରି ଚାହିଁ ନ ଥିଲେ ରବୀନା। ଏବେ ବଲିଉଡ୍ରେ ସେ ୩୦ ବର୍ଷ ପୂରଣ କରିଛନ୍ତି। ସଲମାନଙ୍କ ସହ ତାଙ୍କର ଏବେବି ସୁସମ୍ପର୍କ ଥିବା କହିଛନ୍ତି।
