ଗାବା,୨୦।୧: ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ଟିମ୍ ଇଣ୍ଡିଆର ଦମ୍ଦାର ବିଜୟ ପରେ ହେଡ୍ କୋଚ୍ ରବି ଶାସ୍ତ୍ରୀ ଖେଳାଳିଙ୍କ ମନୋବଳ ବଢ଼ାଇଥିଲେ। ଡ୍ରେସିଂ ରୁମ୍ରେ ସେ ଦେଇଥିବା ଭାଷଣ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବିସିସିଆଇ ପକ୍ଷରୁ ଶେୟାର କରାଯାଇଥିବା ଭିଡିଓରେ କାମଚଳା ଅଧିନାୟକଙ୍କ ସହ ଶାସ୍ତ୍ରୀଙ୍କୁ ଦେଖିବାକୁ ମିଳୁଛି। ସେ ଛିଡ଼ାହୋଇ ଆହତ ଯୋଦ୍ଧାଙ୍କ ସାହସ, ସଙ୍କଳ୍ପ ଏବଂ ଭାବନାକୁ ପ୍ରଶଂସା କରିଛନ୍ତି। ଦଳର ପ୍ରତିଟି ଖେଳାଳି ଆହତ ସମସ୍ୟା ସହ ଲଢ଼ିଛନ୍ତି। ପ୍ରଥମ ଟେଷ୍ଟରେ ୩୬ ରନ୍ରେ ଅଲ୍ଆଉଟ୍ ହେବା ସତ୍ତ୍ୱେ ନିଜ ଆତ୍ମବିଶ୍ୱାସକୁ ବଜାୟ ରଖିଛନ୍ତି। ଆଜି ଏହି ବିଜୟକୁ ନେଇ ଭାରତ ସହ ବିଶ୍ୱବାସୀ ଛିଡ଼ାହୋଇ ଆପଣଙ୍କୁ ସାଲୁଟ କରୁଛନ୍ତି ବୋଲି ଶାସ୍ତ୍ରୀ କହିଛନ୍ତି।
ଏହାଛଡ଼ା ସେ ପ୍ରମୁଖ ବ୍ୟାଟ୍ସମ୍ୟାନ୍ ଚେତେଶ୍ୱର ପୂଜାରା, ମ୍ୟାଚ୍ ବିଜେତା ରିଷଭ ପନ୍ତ, ଯୁବ ଓପନର ଶୁଭମନ ଗିଲଙ୍କ ବେଶ୍ ପ୍ରଶଂସା କରିଛନ୍ତି। ମେଲବର୍ନରୁ ଆରମ୍ଭ ହୋଇଥିବା ସେମାନଙ୍କ ଯାତ୍ରା ସିଡନୀରେ ଉଲ୍ଲେଖନୀୟ ଥିଲା। ଫଳରେ ଗାବାରେ ବିଶ୍ୱାସର ସହ ଟିମ୍ ପଡ଼ିଆକୁ ଓହ୍ଲାଇଥିଲା। ଶୁଭମନ ତୁମେ ବହୁତ ଜବରଦସ୍ତ ଖେଳିଛ। ପୂଜାରାଙ୍କୁ ଯୋଦ୍ଧା ଭାବେ ଲୋକେ ଜାଣିବେ। ସିରାଜ ଏବଂ ଅନ୍ୟ ଖେଳାଳିଙ୍କ ପାଇଁ ସିଟି ମାରିବା ଉଚିତ। ରିଷଭ ତୁମେ ଯେଭଳି ଖେଳିଲ, କିଛି ସମୟ ପାଇଁ ହୃଦଘାତ ଦେଇଥିଲ। ହେଲେ ତୁମ ପାଳି ବହୁତ ସୁନ୍ଦର। ରାହାଣେଙ୍କ ଅଧିନାୟକତ୍ୱ ମଧ୍ୟ ପ୍ରଶଂସାଯୋଗ୍ୟ ବୋଲି ସେ କହିଥିଲେ।
WATCH – Exclusive: Head Coach @RaviShastriOfc delivers a dressing room speech at Gabba.
A special series win in Australia calls for a special speech from the Head Coach. Do not miss!
Full 📽️📽️https://t.co/kSk2mbp309 #TeamIndia pic.twitter.com/Ga5AaMvkim
— BCCI (@BCCI) January 19, 2021
