ନୂଆଦିଲ୍ଲୀ, ୧୭।୯: ଆଇପିଏଲ୍ର ୧୩ତମ ସଂସ୍କରଣ ଶନିବାରଠାରୁ ୟୁଏଇରେ ଆରମ୍ଭ ହେବ। ମହେନ୍ଦ୍ର ସିଂ ଧୋନୀଙ୍କ ଚେନ୍ନାଇ ସୁପର୍ କିଙ୍ଗ୍ସ ଓ ଗତଥରର ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଉଦ୍ଘାଟନୀ ମ୍ୟାଚ୍ ଖେଳାଯିବ। ଧୋନୀଙ୍କ ଦଳର ଷ୍ଟାର୍ ଅଲ୍ରାଉଣ୍ଡର ରବୀନ୍ଦ୍ର ଜାଡେଜା ଯଦି ଆଉ ୭୩ ରନ୍ ସଂଗ୍ରହ କରନ୍ତି ତେବେ ଆଇପିଏଲ୍ରେ ଏକ ବିରଳ ରେକର୍ଡ ସ୍ଥାପନ କରିବେ। ଚେନ୍ନାଇର ଏହି ବାମହାତୀ ସ୍ପିନର ବର୍ତ୍ତମାନ ସୁଦ୍ଧା ଆଇପିଏଲ୍ରେ ୧୭୦ ମ୍ୟାଚ୍ ଖେଳି ୧୯୨୭ ରନ୍ ଓ ୧୦୮ ଉଇକେଟ୍ ନେଇଛନ୍ତି। ଯଦି ଜାଡେଜା ଆଉ ୭୩ ରନ୍ ସଂଗ୍ରହ କରନ୍ତି ତେବେ ଆଇପିଏଲ୍ ଇତିହାସରେ ପ୍ରଥମ ଖେଳାଳି ଭାବେ ୨ ହଜାର ରନ୍ ସଂଗ୍ରହ କରିବା ସହିତ ୧୦୦ ଉଇକେଟ୍ ହାସଲ କରିବାର ସୌଭାଗ୍ୟ ଲାଭ କରିବେ। ଏଥିପୂର୍ବରୁ ଆଇପିଏଲ୍ରେ ବିନା ଅର୍ଦ୍ଧଶତକରେ ୧୫୦୦ରୁ ଊର୍ଦ୍ଧ୍ୱ ରନ୍ ସଂଗ୍ରହ କରିବା ରେକର୍ଡ ଜାଡେଜାଙ୍କ ନାମରେ ରହିଛି।