ମୁମ୍ବାଇ,୭।୩: ଭାରତୀୟ କ୍ରିକେଟ ଦଳର ତାରକା ଅଲରାଉଣ୍ଡର ରବିନ୍ଦ୍ର ଜାଡେଜା ମୋହାଲିରେ ଶ୍ରୀଲଙ୍କା ବିପକ୍ଷରେ ଖେଳାଯାଇଥିବା ପ୍ରଥମ ଟେଷ୍ଟରେ ଚମତ୍କାର ପ୍ରଦର୍ଶନ କରିଥିଲେ। ଜାଡେଜାଙ୍କ ସ୍ମରଣୀୟ ପ୍ରଦର୍ଶନ ଦେଖି ଭାରତର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ ସଚିନ ତେନ୍ଦୁଲକର ତାଙ୍କୁ ପ୍ରଶଂସା କରିଛନ୍ତି।
ମୋହାଲି ଟେଷ୍ଟରେ ଟିମ ଇଣ୍ଡିଆ ଶ୍ରୀଲଙ୍କାକୁ ଏକ ଇନିଂସ ଏବଂ ୨୨୨ ରନ୍ରେ ପରାସ୍ତ କରିଛି। ଏହି ମ୍ୟାଚରେ ରବିନ୍ଦ୍ର ଜାଡେଜା ଚମତ୍କାର ପ୍ରଦର୍ଶନ କରିଥିଲେ। ଭାରତର ପ୍ରଥମ ଇନିଂସରେ ସେ ଚମତ୍କାର ବ୍ୟାଟିଂ କରି ଅପରାଜିତ ୧୭୫ ରନ କରିଥିଲେ। ତାଙ୍କ ଇନିଂସରେ ସେ ୧୭ ଚୌକା ଓ ୩ ଛକା ମାରିଥିଲେ। ସେ ଷଷ୍ଠ ନମ୍ବରରେ ବ୍ୟାଟିଂ କରିବାକୁ ଆସିଥିଲେ। ସେ ଭାରତର ଇନିଂସରେ ସର୍ବାଧିକ ରନ ସ୍କୋର କରିଥିଲେ। ଏହା ବ୍ୟତୀତ ସେ ପ୍ରଥମ ଇନିଂସରେ ୫ ଉଇକେଟ ଏବଂ ଦ୍ୱିତୀୟ ଇନିଂସରେ ୪ ଉଇକେଟ ନେଇଥିଲେ।
୧୯୭୩ ପର ଜଣେ ଖେଳାଳି ଏକ ଇନିଂସରେ ୧୫୦ରୁ ଅଧିକ ରନ ଏବଂ ୫ ଉଇକେଟ ନେଇଥିଲେ। ତାଙ୍କ ପ୍ରଦର୍ଶନ ଦେଖି ସଚିନ ତେନ୍ଦୁଲକର ଟୁଇଟ୍ କରି ଲେଖିଛନ୍ତି, ରବିନ୍ଦ୍ର ଜାଡେଜା ସବୁକିଛି ସୁନାରେ ପରିଣତ କରିଛନ୍ତି, ଭଲ ପ୍ରଦର୍ଶନ।