ମେଲବୋର୍ନ,୨୯।୧୨: ଅଲରାଉଣ୍ଡର ରବୀନ୍ଦ୍ର ଜାଡେଜା ମଙ୍ଗଳବାର ଏକ ସ୍ବତନ୍ତ୍ର କ୍ଲବରେ ସାମିଲ ହୋଇଛନ୍ତି। ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଓ ବର୍ତ୍ତମାନ କ୍ୟାପଟେନ ବିରାଟ କୋହଲିଙ୍କ ଭଳି ମହାନ ଭାରତୀୟ କ୍ରିକେଟରଙ୍କ କ୍ଲବରେ ସ୍ଥାନ ହାସଲ କରିଛନ୍ତି ଜାଡେଜା। ଏମାନେ ସମସ୍ତ ଫର୍ମାଟ(ଟେଷ୍ଟ, ଦିନିକଆ ଓ ଟି୨୦)ରେ ଖେଳିଛନ୍ତି ୫୦ କିମ୍ବା ତା’ଠାରୁ ଅଧିକ ମ୍ୟାଚ୍। ପୂର୍ବରୁ ଅନ୍ତର୍ଜାତୀୟ ସ୍ତରରେ ୫୦ଟି ଟି୨୦ ଓ ୧୬୮ ଦିନିକିଆ ମ୍ୟାଚ୍ ଖେଳିସାରିଥିବା ଜାଡେଜାଙ୍କ ପାଇଁ ଅଷ୍ଟ୍ରେଲିଆ ବିପକ୍ଷ ମେଲବୋର୍ନ ଟେଷ୍ଟ ଥିଲା କ୍ୟାରିୟରର ୫୦ତମ ଟେଷ୍ଟ।
ପ୍ରତ୍ୟେକ ଫର୍ମାଟରେ ୫୦ରୁ ଊର୍ଦ୍ଧ୍ୱ ମ୍ୟାଚ୍ ଖେଳିଥିବା ମାହି ଭାଇ ଓ ବିରାଟଙ୍କ କ୍ଲବରେ ସାମିଲ ହେବା ମୋ ପାଇଁ ସମ୍ମାନର ବିଷୟ। ଏଥିନେଇ ବିସିସିଆଇ ଓ ଦଳୀୟ ସାଥିଙ୍କୁ ଧନ୍ୟବାଦ। ସେମାନେ ସର୍ବଦା ମୋତେ ସମର୍ଥନ କରିଛନ୍ତି। ଜୟ ହିନ୍ଦ୍ ବୋଲି ଜାଡେଜା ଟୁଇଟ୍ କରିଛନ୍ତି।
It's a great honour to join Mahi Bhai and Virat as the only others to have played 50 games across all 3 formats for 🇮🇳 A big thank you to the BCCI, my team mates, the brilliant support staff for showing faith in me and for always backing me.Onwards and upwards. Jai Hind 🙏 pic.twitter.com/9tH5R5o5Ma
— Ravindrasinh jadeja (@imjadeja) December 29, 2020
ଉଲ୍ଲେଖଥାଉ କି, ୨୦୦୪ରେ ଅନ୍ତର୍ଜାତୀୟ ସ୍ତରରେ ପଦାର୍ପଣ କରିଥିବା ଧୋନୀ କ୍ୟାରିୟରରେ ୯୦ ଟେଷ୍ଟ, ୩୫୦ ଦିନିକିଆ ଓ ୯୮ ଟି୨୦ ଖେଳିଛନ୍ତି। ଅନ୍ୟପକ୍ଷରେ ୮୭ ଟେଷ୍ଟ, ୨୫୧ ଦିନିକିଆ ଓ ୮୫ ଟି୨୦ରେ ଭାରତ ପକ୍ଷରୁ ପ୍ରତିନିଧିତ୍ୱ କରିଛନ୍ତି କୋହଲି।
